លោក អេង ឆៃអ៊ាង ពន្យល់ដើមហេតុនាំឲ្យឯកឧត្តម សម រង្ស៊ី សម្រេចសរសេរលិខិតទៅសម្តេច
អ្នកតាមដានស្ថានការណ៍នយោបាយ ភ្ញាក់ផ្អើលខ្លាំងណាស់ ក្រោយពីឯកឧត្តម សម រង្ស៊ី ប្រធានគណបក្សសង្គ្រោះជាតិ សរសេរលិខិតសម្តែងការសោកស្តាយនិងថ្កោលទោសអ្នកដែលប្រមាថភរិយា និងកូនរបស់សម្តេច ហ៊ុន សែន ថា ជាភរិយា និងកូនមេដឹកនាំវៀតណាម។ ប៉ុន្តែនៅក្នុងបទសម្ភាសន៍ជាមួយលោក ជា ធីរិទ្ធ និពន្ធនាយករងនៃសារព័ត៌មានថ្មីៗ លោក អេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ អះអាងថា លិខិតរបស់ឯកឧត្តម សម រង្ស៊ី នៅពេលនេះ វាមិនមែនជាការធ្វើឲ្យភ្ញាក់ផ្អើលអ្វីឡើយ តែវាជាសីលធម៌ ជាគោលការណ៍ និងជាចរិតរបស់អ្នកនយោបាយបក្សសង្គ្រោះជាតិ ដែលមិនពេញចិត្តនឹងជនដែលប្រមាថលើគ្រួសារថ្នាក់ដឹកនាំរដ្ឋាភិបាល ឬជនដទៃទៀត បែបនេះ។ លើសពីនេះទៀត លោក បញ្ជាក់ថា លិខិតនេះ ក៏ដើម្បីឆ្លើយតបនឹងការចោទប្រកាន់របស់សម្តេច ហ៊ុន សែន មកលើគណបក្សសង្គ្រោះជាតិផងដែរ។ប្រភពថ្មីៗ
http://www.thmeythmey.com/?page=detail&ctype=article&id=41026&lg=kh&
