ស្រីមុំ នឹងចូលតុលាការ ដើម្បីបំភ្លឺរឿងក្តី ពាក់ព័ន្ធនឺងឯកឧត្តម កឹម សុខា
តុលាការរាជធានីភ្នំពេញ បានចេញដីកាកោះហៅស្រីមុំ ឲ្យចូលបំភ្លឺសាជាថ្មី ពីពាក្យបណ្តឹងរបស់នាង។ តាមដីកានោះ ស្រីមុំ ត្រូវចូលទៅកាន់តុលាការនៅថ្ងៃទី១៦ ខែមិថុនា ឆ្នាំ២០១៦ ។ បន្ទាប់ពីរក្សាភាពស្ងៀមស្ងាត់អស់មួយរយៈ កញ្ញា ខុម ចាន់តារ៉ាទី ហៅស្រីមុំ នឹងបង្ហាញវត្តមានម្តងទៀតនៅតុលាការ ដើម្បីបកស្រាយពីដំណើរដើមទង ពាក់ព័ន្ធនឹងអំពើសញ្ចារកម្ម ដែលនាងបានប្តឹងកន្លងមក។ បើតាមលោក គឹម វាសនា មេធាវីរបស់ស្រីមុំ ដែលបានប្រាប់ភ្នំពេញប៉ុស្តិ៍ លោកនិងកូនក្តី នឹងចូលទៅកាន់តុលាការតាមដីកាកោះ ដោយមិនគេចវេះឡើយដើម្បីបំភ្លឺរឿងរ៉ាវខាងលើ។
ឯកឧត្តម កឹម សុខា អនុប្រធានគណបក្សសង្គ្រោះជាតិ ក៏ជាតួអង្គ ដែលជាប់ទាក់ទងនឹងពាក្យបណ្តឹងរបស់ស្រីមុំផងដែរ។ ដោយសារតែពាក្យបណ្តឹងរបស់ស្រមុំ តុលាការ បានកោះហៅតំណាងរាស្ត្របក្សប្រឆាំង៣រូប គឺឯកឧត្តម កឹម សុខា, លោក ពិន រតនា និងលោក តុ វ៉ានចាន់។ ដោយសំអាងលើអភ័យឯកសិទ្ធិរបស់ខ្លួន តំណាងរាស្ត្របក្សប្រឆាំងទាំងនោះ បានបដិសេធមិនចូលទៅកាន់តុលការនោះទេ។ ប្រភពថ្មីៗ
http://www.thmeythmey.com/?page=detail&ctype=article&id=41011&lg=kh&
