លោក នី ចរិយា ត្រូវតុលាការក្រុងភ្នំពេញហៅមកសាកសួរបន្ថែមនៅព្រឹកនេះ
នៅព្រឹកនេះ លោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោត ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ លោក ធាម ចន្ទ័ពិសិដ្ឋ កោះហៅមកសាកសួរចម្លើយ លើសំណុំរឿងសមគំនិតសូកប៉ាន់សាក្សី។លោក នី ចរិយា ត្រូវបានតុលាការក្រុងភ្នំពេញ ចោទប្រកាន់ពីបទសមគំនិតសូកប៉ាន់សាក្សី ដែលពាក់ព័ន្ធនឹងរឿងរ៉ាវអ្នកនាង ខុម ចាន់តារាទី ហៅស្រីមុំ។កាលពីថ្ងៃទី១៣ មិថុនា លោក នី ចរិយា រួមនិងមន្ត្រីសមាគមអាដហុក៤រូបទៀត បានប្ដឹងទៅសាលាឧទ្ធរណ៍ដើម្បីសុំនៅក្រៅឃុំ ប៉ុន្តែប្រធានអង្គជំនុំជម្រះនៃសភាស៊ើបសួរសាលាឧទ្ធរណ៍ ច្រានចោលនូវការស្នើសុំ ដោយសំអាងហេតុផលថា រឿងនេះស្ថិតនៅក្នុងការស៊ើបអង្កេតនៅឡើយ។ប្រភពRFA
http://www.rfa.org/khmer/news/law/Ny-Chakrya-to-pp-court-06142016233056.html
