លោក កឹម សុខា ប្ដូរសកម្មភាពចុះតាមមូលដ្ឋាន មកថ្លែងសារនយោបាយមុនការបោះឆ្នោតនៅបក្សវិញ?
ក្រោយពីរងការជាប់បទល្មើសជាក់ស្ដែង ពីបទចោទ «បដិសេធក្នុងការចូលខ្លួន» ធ្វើសាក្សីលើសំណុំរឿងសញ្ចារកម្មនោះ លោក កឹម សុខា ប្រធានស្តីទីគណបក្សសង្គ្រោះជាតិ មិនអាចមានសិទ្ធិចុះតាមមូលដ្ឋានជួបប្រជាពលរដ្ឋ ថ្លែងសារនយោបាយ មុនការបោះឆ្នោតដូចសព្វដងឡើយ។ តែប្រធានស្តីទីរូបនេះ បានប្ដូរផែនការជួបអ្នកគាំទ្រខ្លួនតាមមូលដ្ឋាន មកជួបនៅទីស្នាក់ការគណបក្ស ដើម្បីបង្ហាញជំហបក្ស និងសារនយោបាយដល់ប្រជាពលរដ្ឋវិញ។ រយៈពេល២៥ថ្ងៃហើយ ដែលឯកឧត្តម កឹម សុខា កំពុងស្នាក់នៅទីស្នាក់ការគណបក្ស ។ទោះបីជាលោក កឹម សុខា មិនអាចចុះតាមមូលដ្ឋានជួបប្រជាពលរដ្ឋ អ្នកគាំទ្រខ្លួនជិតមួយខែនេះក្តី ក៏វាមិនមែនជាឧបសគ្គសម្រាប់ប្រធានស្តីទីរូបនេះដែរ។ លោក កឹម សុខា ដែលគេចាត់ទុកថា ជាមេដឹកនាំនយោបាយមួយរូប ដែលពូកែបញ្ចេញសារនយោបាយខ្លីហើយខ្លឹម ក្នុងការទាក់ទាញចិត្តប្រជាពលរដ្ឋនោះ កំពុងតែជួបអ្នកគាំទ្របង្ហាញសារនយោបាយមុនការបោះឆ្នោត កាន់តែងាយស្រួលទៅកាន់អ្នកគាំទ្រខ្លួននៅទីស្នាក់ការបក្ស ដែលអាចឲ្យគណបក្សលោកទទួលបានប្រជាប្រិយភាពដូចមុនផងដែរ។ ប្រភពថ្មីៗ
http://www.thmeythmey.com/?page=detail&ctype=article&id=41259&lg=kh&
