លោកនាយករដ្ឋមន្ត្រី ហ៊ុន សែន ប្រាប់កុំឲ្យមន្ត្រីលេងប៉ែងជើង និងកុំក្តិចត្រួយគ្នា
លោកនាយករដ្ឋមន្ត្រី ប្រាប់ឲ្យមន្ត្រីទាំងអស់ ត្រូវធ្វើការជាក្រុម ដោយមានការសាមគ្គីគ្នា ហើយកុំលេងប៉ែងជើងគ្នា។ ការលើកឡើងរបស់ប្រមុខរដ្ឋាភិបាលបែបនេះ បានធ្វើឡើងនៅក្នុងពិធីចែកសញ្ញាបត្រដល់សិស្សសាលាភូមិន្ទរដ្ឋបាល នៅថ្ងៃទី ២០ ខែមិថុនា។លោក ហ៊ុន សែន បានបញ្ជាក់យ៉ាងនេះថា៖« ការធ្វើការងារ ត្រូវធ្វើដោយមានការទទួលខុសត្រូវ រួមសុខរួមទុក្ខជាមួយគ្នា។ កុំប៉ែងជើង កុំក្តិចត្រួច»លោកនាយករដ្ឋមន្ត្រី ក៏ប្រាប់ឲ្យរដ្ឋមន្ត្រីទាំងអស់ ត្រូវដំឡើងឋានៈ ដល់មន្ត្រីដែលធ្វើការរីកចម្រើន។ «នរណាវិវឌ្ឍន៍ឡើង រុញគេឲ្យឡើង ។ យើងធ្វើការឲ្យហ្មត់ចត់»។ នេះជាការបញ្ជាក់របស់ប្រមុខរដ្ឋាភិបាល។ ជាមួយគ្នានេះ លោក ហ៊ុន សែន បានប្រាប់មន្ត្រីកុំឲ្យតាំងខ្លួនជាចៅហ្វាយរាស្ត្រ តែត្រូវធ្វើខ្លួនជាអ្នកបម្រើប្រជារាស្ត្រវិញ។ លោក ក៏ហាមមិនឲ្យប្រើមន្ត្រីទាំងឡាយណា ដែលទទួលយកតែត្រូវដាក់ខ្លួន ហើយពេលជួបនឹងកំហុសទម្លាក់ដល់អ្នកដទៃ៕
