តុលាការកំពូលបដិសេធបណ្ដឹង២របស់លោក ហុង សុខហួរ
នៅព្រឹកថ្ងៃទី២២ ខែមិថុនា ប្រធានក្រុមប្រឹក្សាជំនុំជម្រះនៃតុលាការកំពូល បានប្រកាសសាលដីកាលើបណ្ដឹងសារទុក្ខរបស់លោក ហុង សុខហួរ ដោយតម្កល់សេចក្ដីសម្រេចរបស់តុលាការក្រុងភ្នំពេញ ទុកជាបានការដដែល។ប្រធានក្រុមប្រឹក្សាជំនុំជម្រះលោក សឹង បញ្ញវុឌ្ឍ សម្រេចភ្លាមៗ លើបណ្ដឹងចំនួន២ ផ្សេងគ្នាដែលសមាជិកព្រឹទ្ធសភា លោក ហុង សុខហួរ បានប្ដឹងទាស់ គឺសំណុំរឿងទី១ មេធាវីការពារក្ដីរបស់លោក ហុង សុខហួរ បានប្ដឹងទាស់ដោយចាត់ទុកថា ការឃុំខ្លួនរបស់សមត្ថកិច្ចប្រឆាំងលោក ហុង សុខហួរ គឺធ្វើឡើងខុសនីតិវិធី។ រីឯសំណុំរឿងទី២ ដែលតុលាការលើកយកមកប្រកាសក្នុងថ្ងៃតែមួយដែរនោះ គឺទាក់ទិនបណ្ដឹងសារទុក្ខរបស់លោក ហុង សុខហួរ ប្រឆាំងសាលក្រមចាត់របៀបរបស់តុលាការក្រុងភ្នំពេញ។បណ្ដឹងទាស់ទាំង២នេះ ត្រូវបានប្រធានក្រុមប្រឹក្សាជំនុំជម្រះ សម្រេចទាត់ចោល ដោយរក្សាសេចក្ដីសម្រេចរបស់តុលាការក្រុងភ្នំពេញ ទុកជាបានការ។ថ្លែងប្រាប់អ្នកកាសែតក្រោយបញ្ចប់ការប្រកាសសាលដីកា លោក ហុង សុខហួរ ផ្ដល់បទសម្ភាសន៍យ៉ាងខ្លីមុនត្រូវគេបញ្ជូនចូលរថយន្តទៅឃុំខ្លួននៅពន្ធនាគារព្រៃសវិញថា រឿងនេះលោកដឹងតាំងពីថ្ងៃសវនាការម្ល៉េះថា នឹងមិនអាចជួយរកយុត្តិធម៌ឲ្យលោកបានឡើយ៖ «»។ប្រភពRFA
http://www.rfa.org/khmer/news/law/Supreme-court-denies-2complaints-of-opposition-senator-06222016013335.html
