លោកស្រី មូ សុខហួរ៖ ការដាក់បន្ទុកលើបក្សប្រឆាំង មិនមែនជាឆន្ទៈរបស់ចៅក្រមទេ
ការសម្រេច ឃាត់ខ្លួនឬឃុំខ្លួនអ្នកនយោបាយនិងសកម្មជនបក្សប្រឆាំង មិនមែនកើតចេញពីឆន្ទៈរបស់តុលាការទាំងស្រុងនោះទេ។ ប៉ុន្តែ វាជាវត្តមានរបស់អ្នកមានអំណាច ដែលឈរពីក្រោយខ្នង ដើម្បីបង្គាប់តុលាការ ឲ្យធ្វើតាមបញ្ជារបស់ខ្លួន។ នេះជាការលើកឡើងរបស់លោកស្រី មូ សុខហួរ តំណាងរាស្ត្រគណបក្សសង្គ្រោះជាតិ។តំណាងរាស្ត្រ ប្រឆាំង១រូប លោកស្រី មូ សុខហួរ អះអាងថា ចំណាត់ការរបស់តុលាការទៅលើភាគីបក្សប្រឆាំងកន្លងមក មានលក្ខណនយោបាយ។ ដូច្នេះ លោកស្រី ជឿជាក់ថា ប្រសិនបើមានវិធានការតាមផ្លូវនយោបាយ នោះអ្នកនយោបាយ រួមទាំងសកម្មជនបក្សប្រឆាំងទាំងអស់នឹងមានឱកាសរួចផុតពីការឃុំឃាំងជាមិនខាន។លោកស្រី មូ សុខហួរ បានបញ្ជាក់បែបនេះថា៖«រឿងហ្នឹងជារឿងនយោបាយ។ រឿងនយោបាយ ត្រូវដោះស្រាយតាមផ្លូវនយោបាយ ទើបចប់។ យើងខ្ញុំមើលឃើញថា ការដាក់បន្ទុកធ្ងន់ធ្ងរនេះ មិនមែនជាឆន្ទៈរបស់ចៅក្រមទាំងអស់ទេ តែជាបញ្ជាដែលមានអត្ថន័យនយោបាយសុទ្ធសាធ»។
ការថ្លែងរបស់លោកស្រីបែបនេះ ធ្វើឡើងក្រោយពីតុលាការកំពូលបញ្ចប់ការប្រកាសសាលដីកា លើសំណុំរឿងរបស់លោក ហុង សុខហួរ សមាជិកព្រឹទ្ធសភានៃគណបក្សសម រង្ស៊ី។ នៅព្រឹកថ្ងៃទី២២ មិថុនានេះ តុលាការកំពូលសម្រេចបន្តឃុំខ្លួនលោក ហុង សុខហួរ ហើយតម្កល់សាលដីការបស់សាលាឧទ្ធរណ៍ទុកជាបានការ។ប្រភពថ្មីៗ
http://thmeythmey.com/?page=detail&ctype=article&id=41317&lg=kh
