លោក ខៀវ កាញារីទ្ធ៖ Global Witness មានជម្លោះជាបុគ្គលជាមួយសម្តេច ហ៊ុន សែន
កាលពីព្រឹកថ្ងៃទី១១កក្កដានេះ មន្ត្រីជាន់ខ្ពស់ដ៏ល្បីឈ្មោះនៃរដ្ឋាភិបាលកម្ពុជា និងជារដ្ឋមន្ត្រីក្រសួងព័ត៌មានបានផ្តល់បទសម្ភាសន៍ដល់សារព័ត៌មានមួយចំនួនក្នុងសំណុំរឿងឃាតកម្មលើលោក កែម ឡី និងរបាយការណ៍ Global Witness ដែលផ្សាយអំពីការក្តោបក្តាប់សេដ្ឋកិច្ចនៃគ្រួសារសម្តេចនាយករដ្ឋមន្ត្រី ហ៊ុន សែន នៅកម្ពុជា។
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានរិះគន់អ្នកសរសេររបាយការណ៍របស់ Global Witness ថាពួកគេបានបង្វែរ«បាយបិណ្ឌ ជាបាយបាត្រ» និងមានចរិតបន្លំពលរដ្ឋខ្មែរ។ លើសពីនេះ លោក ខៀវ កាញារីទ្ធ ក៏បានអះអាងផងដែរថា Global Witness មានទំនាស់បុគ្គលជាមួយសម្តេចនាយករដ្ឋមន្ត្រី ហ៊ុន សែន។« Global Witness មានទំនាស់ជាមួយសម្តេចនាយករដ្ឋមន្ត្រីជាបុគ្គល។ កម្មវិធីរបស់ Global Witness នៅកម្ពុជា គឺសង្គ្រាមបុគ្គលរវាង Global Witness និងនាយករដ្ឋមន្ត្រីហ៊ុន សែន»។ រដ្ឋមន្ត្រីក្រសួងព័ត៌មានបានឆ្លើយយ៉ាងនេះតបទៅអ្នកកាសែតនៃទូរទស្សន៍ជាតិកម្ពុជា ដែលសួរលោកពីមូលហេតុដែល Global Witness ចេញផ្សាយរបាយការណ៍ថ្មីៗរបស់ខ្លួនទាក់ទងនឹងជំនួញរបស់គ្រួសារនាយករដ្ឋមន្ត្រី។តាមរយៈការពន្យល់របស់លោក ខៀវ កាញារីទ្ធ នៅក្នុងសន្និសីទសារព័ត៌មានមួយនៅការិយាល័យរបស់លោក នោះ ការដែលសមាជិកគ្រួសារនាយករដ្ឋមន្ត្រីមានភាគហ៊ុនខ្លះនៅតាមក្រុមហ៊ុននោះ វាមិនមែនជាក្តោបក្តាប់សេដ្ឋកិច្ចកម្ពុជារបស់គ្រួសារនាយករដ្ឋមន្ត្រីនោះឡើយ។ប្រភពថ្មីៗ
https://www.thmeythmey.com/?page=detail&ctype=article&id=42004&lg=kh&
