លោក អ៊ុំ សំអាន ថា នៅពន្ធនាគារ មានសុវត្ថិភាពជាងនៅក្រៅ លោក សុខ ឥសាន ជូនពរ...
សភាស៊ើបសួររបស់សាលាឧទ្ធរណ៍ បានច្រានចោលសំណើសុំមោឃភាពនីតិវិធីការឃុំខ្លួនរបស់លោក អ៊ុំ សំអាន តំណាងរាស្ត្រគណបក្សសង្គ្រោះជាតិ ដែលល្បីខាងរិះគន់រឿងព្រំដែន។ លោក អ៊ុំ សំអាន ចាត់ទុកការសម្រេចរបស់ឧទ្ធរណ៍នេះ ជារឿងអយុត្តិធម៌សម្រាប់លោក មុននឹងលោកចំអកថា សុខចិត្តនៅក្នុងពន្ធនាគារ ប្រសើជាងនៅក្រៅឃុំ ដែលអាចមានវាសនាដូចលោក កែម ឡី។ អ្នកនាំពាក្យគណបក្សប្រជាជន ចាត់ទុកការចំអករបស់លោក អ៊ុំ សំអាន ជាការបង្ខូចកេរ្តិ៍ឈ្មោះរដ្ឋាភិបាល ដើម្បីកេងចំណេញនយោបាយ។
«ខ្ញុំនៅក្នុងពន្ធនាគារ មានសុវត្ថិភាពជាងនៅក្រៅពន្ធនាគារ ព្រោះបើនៅក្រៅអាចមានវាសនាដូចលោក កែម ឡី ដែលហ៊ានរិះគន់រដ្ឋាភិបាល»។ នេះជាការចំអករបស់លោក អ៊ុំ សំអាន ដែលមិនពេញចិត្តនឹងការសម្រេចរបស់សភាស៊ើបសួររបស់សាលាឧទ្ធរណ៍ ដែលបានច្រានចោលសំណើសុំមោឃភាពនីតិវិធីការឃុំខ្លួនលោក។
ថ្លែងចំពោះមុខអ្នកកាសែតព្រឹកនេះតំណាងរាស្ត្រគណបក្សសង្គ្រោះជាតិ ដែលជាប់ឃុំខ្លួនដោយសាររិះគន់លើករណីរឿងព្រំដែនរូបនេះ ចាត់ទុកការសម្រេចរបស់ឧទ្ធរណ៍ ជារឿងអយុត្តិធម៌សម្រាប់លោក មុននឹងលោកចំអកទៀតថា «អ្នកស្នេហាជាតិ អ្នកការពារព្រំដែន ត្រូវជាប់គុគ ហើយអ្នកកាត់ដីឲ្យយួនបែរជារួចខ្លួន និងមានឈ្មោះថា ជាអ្នកស្នេហាជាតិ»។ ប្រភពថ្មីៗ
https://www.thmeythmey.com/?page=detail&ctype=article&id=42049&lg=kh&
