លោក សម រង្ស៊ី លើកពីតម្រុយនៃការធ្វើឃាតលោក កែម ឡី
លោក សម រង្ស៊ី ប្រធានគណបក្សប្រឆាំងបានផ្តល់តម្រុយថាអ្នកមេគំនិតនៅពីក្រោយ ឃាតកម្មលើអ្នកវិភាគនយោបាយឯករាជ្យលោក កែម ឡី អាចត្រូវបានកំណត់អត្តសញ្ញាណដោយអះអាងពីមូលហេតុនោះថាដោយសារ លោក កែម ឡី គ្រោងចូលរួមជាមួយគណបក្សប្រឆាំងប៉ុន្តែការលើកឡើងនេះត្រូវបាន មន្ត្រីគណបក្សប្រជាជនថាជាការនិយាយផ្ទុយហើយបានបង្វែរទៅបក្ស ប្រឆាំងវិញ។ថ្លែងទៅកាន់អ្នកគាំទ្រនៅក្នុងវត្តមួយក្នុងទីក្រុងប៉ារីស កាលពីថ្ងៃទី ១៧ កក្កដាដែលបានបង្ហោះនៅលើហ្វេសប៊ុករបស់លោកកាលពីថ្ងៃចន្ទលោក សម រង្ស៊ី ប្រធានគណបក្សសង្គ្រោះជាតិបានចាត់ទុកលោក កែម ឡី ជាអ្នកវិភាគពោរពេញដោយជំនាញក្នុងផ្នែកប្រជាធិបតេយ្យនយោបាយ ថ្នាក់មូលដ្ឋានដោយបានទទួលស្គាល់ថាលោក កែម ឡី គ្រោងចូលរួមជាមួយគណបក្សសង្គ្រោះជាតិហើយជាងនេះទៀតអ្នកវិភាគ ឯករាជ្យរូបនេះក៏បានជួយសរសេរកម្មវិធីនយោបាយឲ្យគណបក្សសង្គ្រោះ ជាតិផងដែរ។ លោកថា នោះហើយជាហេតុផលដែលលោកត្រូវបានគេបាញ់សម្លាប់។ទោះបីយ៉ាងណាក្នុងសុន្ទរកថារបស់លោក សម រង្ស៊ី មិនបានលើកពីឈ្មោះជាក់លាក់ណាមួយពាក់ព័ន្ធនឹងឃាតកម្មនេះទេដោយ គ្រាន់តែថាអ្នកដែលជាមេគំនិតនៃការធ្វើឃាតលោក កែម ឡី គឺជាភាគីម្ខាងទៀតដែលខឹងលោក កែម ឡី វិភាគច្បាស់លើចំណុចអវិជ្ជមានរបស់ភាគីនោះហើយលោកគ្រោងចូលរួម ជាមួយនឹងគណបក្សសង្គ្រោះជាតិ។ប្រភពភ្នំពេញប៉ុស្ដិ៍
http://www.postkhmer.com/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%87%E1%9E%B6%E1%9E%8F%E1%9E%B7/%E1%9E%9B%E1%9F%84%E1%9E%80-%E1%9E%9F%E1%9E%98-%E1%9E%9A%E1%9E%84%E1%9F%92%E1%9E%9F%E1%9F%8A%E1%9E%B8-%E1%9E%9B%E1%9E%BE%E1%9E%80%E1%9E%96%E1%9E%B8%E1%9E%8F%E1%9E%98%E1%9F%92%E1%9E%9A%E1%9E%BB%E1%9E%99%E1%9E%93%E1%9F%83%E1%9E%80%E1%9E%B6%E1%9E%9A%E1%9E%92%E1%9F%92%E1%9E%9C%E1%9E%BE%E1%9E%83%E1%9E%B6%E1%9E%8F%E1%9E%9B%E1%9F%84%E1%9E%80-%E1%9E%80%E1%9F%82%E1%9E%98-%E1%9E%A1%E1%9E%B8
