មេធាវីលោក ហ៊ុន សែន មកបំភ្លឺតាមបណ្ដឹងប្ដឹងលោក សម រង្ស៊ី និងអ្នកស្រី ថាក់ ឡានី
លោកមេធាវី គី តិច តំណាងលោកនាយករដ្ឋមន្ត្រី ហ៊ុន សែន មកបំភ្លឺតាមការកោះហៅរបស់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី៥ សីហា នេះ ចំពោះពាក្យបណ្ដឹងដែលប្ដឹងប្រធានគណបក្សប្រឆាំងលោក សម រង្ស៊ និងអ្នកស្រី ថាក់ ឡានី។ក្រោយពីតុលាការក្រុងភ្នំពេញទទួលពាក្យបណ្ដឹងលោក ហ៊ុន សែន កាលពីថ្ងៃទី១ សីហា ភ្លាមៗ តុលាការក៏ចេញដីកាកោះហៅអ្នកពាក់ព័ន្ធមកបំភ្លឺលើពាក្យបណ្ដឹងភ្លាមដែរ។សម្រាប់អ្នកស្រី ថាក់ ឡានី តុលាការតម្រូវឲ្យមកបំភ្លឺនៅរសៀលថ្ងៃទី៨ សីហា ដោយឡែកលោក សម រង្ស៊ី នឹងត្រូវមកបំភ្លឺនៅព្រឹកថ្ងៃទី១៩ សីហា។កាលពីថ្ងៃទី១ សីហា លោក ហ៊ុន សែន បានប្ដឹងប្រធានគណបក្សសង្គ្រោះជាតិ លោក សម រង្ស៊ី និងសមាជិកព្រឹទ្ធសភាមកពីគណបក្ស សម រង្ស៊ី អ្នកស្រី ថាក់ ឡានី ទាក់ទងនឹងការចោទថា រូបលោក និងរដ្ឋាភិបាលជាអ្នកនៅពីក្រោយខ្នងនៃឃាតកម្មលើបណ្ឌិត កែម ឡី កាលពីថ្ងៃទី១០ កក្កដា ដោយលោកប្ដឹងសុំឲ្យតុលាការ ផ្ដន្ទាទោសលោក សម រង្ស៊ី និងអ្នកស្រី ថាក់ ឡានី តាមផ្លូវច្បាប់ និងទាមទារសំណងជំងឺចិត្តក្នុងម្នាក់ចំនួន ១០០រៀល។ប្រភពRFA
http://www.rfa.org/khmer/news/law/summon-hunsen-lawyer-on-his-lawsuit-08042016234238.html
