មហាផ្ទៃធ្វើសន្និសីទកាសែតទាក់ទងនឹងស្នាមមេដៃញ្ញត្តិ CNRP នៅរសៀលនេះ
ក្រសួងមហាផ្ទៃនឹងរៀបចំសន្និសីទសារព័ត៌មានជាសាធារណៈ ពីការស្រាវជ្រាវ និងធ្វើកោសល្យវិច្ឆ័យលើស្នាមមេដៃប្រជាពលរដ្ឋក្នុងញ្ញត្តិគណបក្សសង្គ្រោះជាតិ (CNRP) នៅម៉ោង ៤រសៀលថ្ងៃទី៥ ខែសីហា ឆ្នាំ២០១៦នេះ ក្នុងទីស្តីការសក្រសួងមហាផ្ទៃ។អគ្គលេខាធិការក្រសួងមហាផ្ទៃទើបចូលកាន់តំណែងលោក ប៉ោ ភក្តិ បានអញ្ជើញអ្នកសារព័ត៌ មានជាតិ និងអន្តរជាតិ ចូលរួមយកព័ត៌មានផ្សព្វផ្សាយក្នុងសន្និសីទកាសែតនេះ តាមរយៈសេចក្តីជូនដំណឹងចុះថ្ងៃទី៥ ខែសីហានេះ។អនុប្រធានគណៈកម្មការស្រាវជ្រាវស្នាមមេដៃលើញត្តិគណបក្សសង្គ្រោះ ជាតិ លោក កង សុខន បានប្រាប់អ្នកកាសែតកាលពីថ្ងៃទី១៤ មិថុនា ពីការពិនិត្យស្នាមមេដៃអ្នកគាំទ្រលើញត្តិគណបក្សសង្គ្រោះជាតិ មានភាពមិនប្រក្រតីមួយចំនួន។ លោកនិយាយថា ស្នាមមេដៃខ្លះមានតែឈ្មោះ ខ្លះទៀតមានឈ្មោះអត់ស្នាមមេដៃ និងគ្មានអាស្រ័យដ្ឋានច្បាស់លាស់ ជាពិសេស ស្នាមមេដៃមនុស្សម្នាក់បានផ្តិតដដែលៗលើឈ្មោះផ្សេងទៀតផងដែរ។
ទាក់ទងនឹងការពិនិត្យស្នាមមេដៃនេះ កន្លងមកមន្ត្រីជាន់ខ្ពស់ គណបក្សសង្គ្រោះជាតិលោក យ៉ែម បុញ្ញឫទ្ធិ ធ្លាប់បានប្រកាសនៅចំពោះមុខអ្នកគាំទ្រខ្លួននៅស្នាក់ការកណ្តាលគណបក្សថា តំណាងរាស្ត្រគណបក្សសង្គ្រោះជាតិទាំង ៥៥ រូប នឹងដើរចូលពន្ធនាគារ បើគ្រាន់តែរឿងយកញត្តិថ្វាយព្រះមហាក្សត្រ ហើយត្រូវជាប់ទោសព្រហ្មទណ្ឌ។ប្រភពថ្មីៗ
https://www.thmeythmey.com/?page=detail&ctype=article&id=42895&lg=kh&
