ឧទ្ធរណ៍កំពុងបើកសវនាការលើសំណុំរឿងអគ្គលេខាធិការរងគ.ជ.ប
នៅព្រឹកថ្ងៃទី ០៨ ខែសីហា នេះ តុលាការឧទ្ធរណ៍កំពុងបើកសវនាការជំនុំជម្រះលើបណ្តឹងសុំ «មោឃភាពនីតិវិធី» របស់សាលាដំបូងរាជធានីភ្នំពេញ ដែលប្តឹងដោយមេធាវីរបស់លោក នី ចរិយា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត។ អ្វីដែលមេធាវីរបស់លោក នី ចរិយា មិនអាចទទួលយកបាននោះ គឺចំណាត់ការរបស់សាលាដំបូងរាជធានីភ្នំពេញ ដែលចាប់លោក នី ចរិយា អគ្គលេខាធិការរងគ.ជ.ប យកទៅឃុំឃាំងហើយ ប៉ុន្តែនៅតែបន្តសាកសួរកូនក្តីរបស់ខ្លួនទៀត។ លោកមេធាវី សុំ សុគង់ ស្នើឲ្យសាលាឧទ្ធរណ៍ ច្រានចោលនីតិវិធីរបស់សាលាដំបូងរាជធានីភ្នំពេញ ដែលអនុវត្តលើកូនក្តីរបស់ខ្លួនខុសនីតិវិធីកន្លងមក។តាមពិតបណ្តឹងសុំឲ្យមោឃភាពនីតិវិធីនេះ សហមេធាវីមន្ត្រីអង្គការអាដហុក ៤ រូបផ្សេងទៀត ក៏បានដាក់ពាក្យបណ្តឹងមកសាលាឧទ្ធរណ៍ដូចមេធាវីរបស់លោក នី ចរិយា ដែរ តែនៅព្រឹកនេះតុលាការនៅមិននាំមន្រ្តីទាំង ៤ នោះចូលសវនាការនោះឡើយ ដោយមានតែលោក នី ចរិយា ប៉ុណ្ណោះ។សូមបញ្ជាក់ថា កាលពីថ្ងៃទី២ ខែឧសភា ឆ្នាំ២០១៦ លោក នី ចរិយា និងមន្ត្រីអាដហុកទាំង៤រូប គឺ លោក នី សុខា, លោក យី សុខសាន្ត, លោក ណៃ វង់ដា និងលោកស្រី លឹម មុន្នី ត្រូវបានតុលាការរាជធានីភ្នំពេញ សម្រេចបញ្ជូនខ្លួនទៅឃុំបណ្តោះអាសន្ន។ប្រភពថ្មីៗ
https://www.thmeythmey.com/?page=detail&ctype=article&id=42985&lg=kh&
