អយ្យការអមសាលាដំបូងរាជធានីភ្នំពេញ កោះហៅសមាជិកព្រឹទ្ធសភាគណបក្ស សម រង្ស៊ី អ្នកស្រី ថាក់ ឡានី ឲ្យទៅបំភ្លឺជាលើកទី២ នៅរសៀលថ្ងៃទី១៧ សីហា ជុំវិញពាក្យបណ្ដឹងរបស់លោកនាយករដ្ឋមន្ត្រី ហ៊ុន សែន។មេធាវីការពារក្ដីឲ្យអ្នកស្រី ថាក់ ឡានី គឺលោក សំ សុគង់ ឲ្យអាស៊ីសេរីដឹងនៅថ្ងៃទី១០ សីហា ថា លោកបានទទួលដីកាកោះ ពីតំណាងអយ្យការអមសាលាដំបូងរាជធានីភ្នំពេញ លោក លី សុផាណា កាលពីថ្ងៃទី៩ សីហា ដើម្បីឲ្យកូនក្ដីរបស់លោកទៅបំភ្លឺជាលើកទីពីរ។លោកមេធាវី សំ សុគង់ បន្តថា លោកនឹងទៅបំភ្លឺតាមដីកាកោះហៅនេះ។ ដោយឡែកវត្តមានកូនក្ដីរបស់លោក គឺអ្នកស្រី ថាក់ ឡានី លោកនៅមិនទាន់ច្បាស់ថា នឹងចូលទៅបំភ្លឺតាមដីកានេះ ឬយ៉ាងណាទេ ដោយលោកមិនទាន់ពិគ្រោះគ្នាជាមួយកូនក្ដីលោកឡើយ។ប្រភពRFA

http://www.rfa.org/khmer/news/law/pp-court-summon-Thak-Lany-second-time-08102016014640.html