លោក ប៉ា ងួនទៀង ចូលបំភ្លឺនៅតុលាការជុំវិញសំណុំរឿងលោក កឹម សុខា
នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) លោក ប៉ា ងួនទៀង ចូលទៅបំភ្លឺនៅសាលាដំបូងរាជធានីភ្នំពេញ នៅព្រឹកថ្ងៃទី១៨ ខែសីហា ក្នុងនាមជាសាក្សីក្នុងសំណុំរឿងលោក កឹម សុខា ប្រធានស្ដីទីគណបក្សសង្គ្រោះជាតិ។ពេលទៅដល់ខាងមុខតុលាការ លោក ប៉ា ងួនទៀង ព្យាយាមឆ្លើយសំណួរអ្នកកាសែត ប៉ុន្តែត្រូវបានកម្លាំងសមត្ថកិច្ចរុនច្រានលោក មិនឲ្យនិយាយជាមួយអ្នកកាសែត។ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាកោះហៅលោក ប៉ា ងួនទៀង កាលពីថ្ងៃទី៣ ខែសីហា ឲ្យចូលធ្វើជាសាក្សីជុំវិញដំណើររឿងសូកប៉ាន់សាក្សីតាមមាត្រា៥៤៨ នៃក្រមព្រហ្មទណ្ឌ។
