អ្នកសង្កេតការណ៍ការចុះឈ្មោះបោះឆ្នោតម្នាក់ នៅខេត្ដសៀមរាប  ឲ្យដឹងថា លោកគ្រោងដាក់ពាក្យប្ដឹងទៅគណៈកម្មការរៀបចំការបោះឆ្នោតខេត្ត ឲ្យលុបឈ្មោះស្ត្រីម្នាក់ ពីបញ្ជីឈ្មោះបោះឆ្នោត នៅសង្កាត់នគរធំ ក្រុងសៀមរាប ដោយអះអាងថា ស្ត្រីរូបនោះជាជនបរទេស។កាលពីថ្ងៃទី០៣ ខែកញ្ញានេះ នាយប៉ុស្ដិ៍រដ្ឋបាលសង្កាត់នគរធំ លោក យ៉ម យ៉ាត់ បានកោះហៅ លោក សៀក ចំណាប់ អ្នកសង្កេតការណ៍ការចុះឈ្មោះបោះឆ្នោតតំណាងគណបក្សសង្គ្រោះជាតិនៅសង្កាត់នគរធំ ឲ្យចូលបំភ្លឺ បន្ទាប់ពីលោកបង្ហោះសារលើបណ្ដាញសង្គមហ្វេសប៊ុកថា ស្ដ្រីម្នាក់ឈ្មោះ ឈុន ភាព ជាជនជាតិវៀតណាម ប៉ុន្ដែ មានសិទ្ធិចុះឈ្មោះបោះឆ្នោត។លោក សៀក ចំណាប់ នៅព្រឹកថ្ងៃអាទិត្យនេះថា អ្នកស្រី ឈុន ភាព រស់នៅភូមិស្រះស្រង់ខាងជើង ក្នុងសង្កាត់នគរធំ មានអត្តសញ្ញាណប័ណ្ណសញ្ជាតិខ្មែរចេញដោយអាជ្ញាធរមូលដ្ឋាន ប៉ុន្តែ គាត់និយាយភាសាខ្មែរមិនច្បាស់នោះឡើយ ដែលនាំឲ្យសន្និដ្ឋានថា ស្ត្រីរូបនោះជាជនជាតិវៀតណាម ហើយត្រូវបានគេអនុញ្ញាតឲ្យចុះឈ្មោះបោះឆ្នោត។លោកបន្ដថា លោកនឹងដាក់ពាក្យបណ្ដឹងទៅគណៈកម្មការរៀបចំបោះឆ្នោតថ្នាក់ខេត្ត ដើម្បីឲ្យបង្ហាញព្រះរាជ្យក្រឹត្យពីព្រះមហាក្សត្រ ដែលអនុញ្ញាតឲ្យជនបរទេសកាន់អត្ដសញ្ញាណប័ណ្ណខ្មែរ និងឲ្យលុបឈ្មោះចេញពីបញ្ជីឈ្មោះបោះឆ្នោតនៅពេលខាងមុខ បើសិនរកឃើញខុសប្រក្រតី។លោកថ្លែងថា៖ “ប្រជាពលរដ្ឋនៅទីនោះផ្ទាល់ និងអ្នកសង្កេតការណ៍ដែលជាអ្នកភូមិហ្នឹងតាំងពីដើម ប្រាប់ថា យួនមកបោះឆ្នោតហើយមកមើលផង ហើយទី២មុខមាត់ សម្ដីគាត់ខំនិយាយនិយាយមិនច្បាស់ទេ ទោះបីខំពត់យ៉ាងណាក៍នៅមិនច្បាស់”។ប្រភពវីអូឌី(VOD)

http://vodhotnews.com/04/09/2016/vt-register-for-vot-say%E2%80%8Bobservers