មន្ត្រីបដិសេធផ្តល់ព័ត៌មានរឿងបញ្ជូនកំណត់ហេតុព្រំដែន ទៅវៀតណាម
ខណៈដែលវៀតណាមនៅតែបន្តសាងសង់ប៉ុស្តិ៍របស់ខ្លួននៅតំបន់សក្នុងខេត្តរតនគិរីមន្ត្រីជាន់ខ្ពស់កម្ពុជាបានបដិសេធធ្វើអត្ថាធិប្បាយរឿងបញ្ជូនកំណត់ហេតុកិច្ចប្រជុំរួមពីបញ្ហាព្រំដែនដែលមិនចុះសម្រុងគ្នាទៅប្រទេសវៀតណាម។ចាប់តាំងពីខែកក្កដារហូតមកទល់នឹងពេលនេះវៀតណាមនៅតែបន្តសកម្មភាពសាងសង់ប៉ុស្តិ៍ព្រំដែនថ្មីនៅលើខ្សែបន្ទាត់ព្រំដែនដែលកម្ពុជាចាត់ទុកថាជាតំបន់សមិនទាន់បោះបង្គោលព្រំដែនក្នុងភូមិឡំ ឃុំប៉ក់ញ៉ៃ ស្រុកអូរយ៉ាដាវ។ភាគីកម្ពុជាបានស្នើឲ្យវៀតណាមបញ្ឈប់ការសាងសង់នេះប៉ុន្តែភាគីវៀតណាមនៅតែបន្តធ្វើការសាងសង់ដោយថាសំណង់នោះគឺស្ថិតនៅលើដែនអធិបតេយ្យភាពរបស់ខ្លួនទៅវិញ។លោក ញ៉ែម សំអឿន អ្នកនាំពាក្យសាលាខេត្តរតនគិរីបានមានប្រសាសន៍បញ្ជាក់កាលពីម្សិលមិញថា៖ «រឿងសង់ប៉ុស្តិ៍នៅតែបន្តសង់ដដែលហ្នឹង។ យើងឃាត់ចេះតែឃាត់ហើយតែនេះជារឿងថ្នាក់ជាតិ។ ខាងខេត្តយ៉ាឡាយ [ប្រទេសវៀតណាម]។ យើងបានជជែកគ្នាពីរឿងហ្នឹងហើយតែគេថា «រឿងហ្នឹងថ្នាក់ជាតិគេបញ្ជាមក»។ទោះជាយ៉ាងណាលោកថាទំនាក់ទំនងរវាងអាជ្ញាធរខេត្តរតនគិរី និងខេត្តយ៉ាឡាយ ប្រទេសវៀតណាមមានដំណើរការជាធម្មតា។ ប៉ុន្តែកម្ពុជាបាននិងកំពុងតែបង្កើនការយកចិត្តទុកដាក់ឃ្លាំមើលមិនឲ្យកើតមានបាតុភាពផ្សេងកើតមាននៅតាមបន្ទាត់ព្រំដែនដូចករណីលួចជីកស្រះចំនួន ៩ និងការសាងសង់ប៉ុស្តិ៍ថ្មីនោះឡើយ។លោក ញ៉ែម សំអឿន បានថ្លែងថា៖ «រឿងបាតុភាពថ្មីដូចជាអត់មានទេតែគ្រាន់តែថារឿងសង់ [ប៉ុស្តិ៍] នៅតែសង់អ៊ីចឹង។ តែយើងកាន់តែរឹតបន្តឹងឃ្លាំមើលតាមបណ្តោយព្រំដែនទាំងហ្នឹង។ បើមានបញ្ហាអីយើងត្រូវរាយការណ៍ជូនថ្នាក់ជាតិភ្លាម»។ប្រភពភ្នំពេញប៉ុស្ដិ៍
http://www.postkhmer.com/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%87%E1%9E%B6%E1%9E%8F%E1%9E%B7/%E1%9E%98%E1%9E%93%E1%9F%92%E1%9E%8F%E1%9F%92%E1%9E%9A%E1%9E%B8%E1%9E%94%E1%9E%8A%E1%9E%B7%E1%9E%9F%E1%9F%81%E1%9E%92%E1%9E%95%E1%9F%92%E1%9E%8F%E1%9E%9B%E1%9F%8B%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%9A%E1%9E%BF%E1%9E%84%E1%9E%94%E1%9E%89%E1%9F%92%E1%9E%87%E1%9E%BC%E1%9E%93%E1%9E%80%E1%9F%86%E1%9E%8E%E1%9E%8F%E1%9F%8B%E1%9E%A0%E1%9F%81%E1%9E%8F%E1%9E%BB%E1%9E%96%E1%9F%92%E1%9E%9A%E1%9F%86%E1%9E%8A%E1%9F%82%E1%9E%93-%E1%9E%91%E1%9F%85%E1%9E%9C%E1%9F%80%E1%9E%8F%E1%9E%8E%E1%9E%B6%E1%9E%98
