គណបក្សសង្រ្គោះជាតិ (CNRP) បានរៀបចំឯកសារស មួយច្បាប់ ដើម្បីចារទុកជាប្រវត្តិសាស្រ្តខ្មែរ ក្នុងគោលបំណង ឲ្យប្រជាពលរដ្ឋ នៅទូទាំងប្រទេស បានដឹងពីរបបលទ្ធិប្រជាធិបតេយ្យ ដែលកំពុងកើតមានឡើង នាពេលបច្ចុប្បន្ន ជាពិសេសករណី លោក កឹម សុខា និងអ្នកជាប់ពន្ធនាគារ។ លោក ស៊ុន ឆ័យ មន្រ្តីជាន់ខ្ពស់ គណបក្សសង្រ្គោះជាតិ បានថ្លែងថា ក្នុងវេទិកាជួបជុំអ្នកគាំទ្រ នៅទីស្នាក់ការបក្ស នាព្រឹកថ្ងៃទី៩ ខែកញ្ញា ឆ្នាំ២០១៦ថា ​តុលាការកាត់សេចក្តីលោក កឹម សុខា នៅព្រឹកថ្ងៃ៩ កញ្ញា នេះ  គឺគ្មានមូលដ្ឋានច្បាប់ , រំលោភរដ្ឋធម្មនុញ្ញ , និងបំពានលើនីតិវិធីច្បាប់។ លោកបន្តថា “ចឹងហើយបានជាតំណាងរាស្រ្តសភា គណបក្សសង្រ្គោះជាតិ រៀបចំឯកសារមួយ ហៅថា ឯកសារស ​ដែលបានរៀបរាប់គ្រប់៣ចំណុច ខាងលើ។ គណបក្សសង្រ្គោះជាតិ បាននិយាយប្រាប់អ្នកសារព័ត៌មាន បានធ្វើលិខិត ទៅប្រទេសម្ចាស់ហត្ថលេខី នៃកិច្ចព្រមព្រៀងទីក្រុងបារីស បានធ្វើសេចក្តីថ្លែងការណ៍មួយ ហើយមួយទៀត ចាំធ្វើឯកសារនេះធ្វើអ្វីទៀត។  នៅក្នុងប្រទេសនីមួយៗ គេតែងមានប្រវត្តិសាស្រ្ត របស់គេ ហើយគណបក្សសង្រ្គោះជាតិ បានខិតខំស្មោះស្ម័គ្រ ចំពោះជាតិ ​ធ្វើយ៉ាងណាឲ្យប្រវតិ្តសាស្រ្ត អាស្រូវរបស់កម្ពុជា ពីអតីតកាលត្រូវបានបញ្ចប់ ។ អាស្រូវកម្ពុជា ដែលយើងចង់បញ្ចប់នោះ គឺឈប់ឈ្លោះទាស់ទែងគ្នា រវាងខ្មែរនិងខ្មែរ”។​ ប្រភពដើមអម្ពិល

http://www.dap-news.com/kh/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%80%E1%9F