គណៈកម្មាធិការជាតិរៀបចំការបោះឆ្នោតបានឲ្យដឹងថា ប្រធានស្តីទីគណបក្សសង្គ្រោះជាតិ លោក កឹម សុខា អាចចុះឈ្មោះបោះឆ្នោតបាន តែត្រូវបង្ហាញខ្លួនមុខភ្នាក់ងារចុះឈ្មោះបោះឆ្នោត។ឆ្លើយតបទៅនឹងសំណួរអ្នកសារព័ត៌មានក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធនៅទីស្តីការគណៈកម្មាធិការជាតិរៀបចំការបោះឆ្នោតកាលពីម្សិលមិញ សមាជិក គ.ជ.ប លោក មាន សទិ មានប្រសាសន៍ថា ពលរដ្ឋគ្រប់រូបរាប់ទាំងលោក កឹម សុខា ផងដែរដែលមានឯកសារបញ្ជាក់អត្តសញ្ញាណគ្រប់គ្រាន់ គឺអាចចុះឈ្មោះបោះឆ្នោតបាន តែថាលោកត្រូវទៅចុះឈ្មោះដោយបង្ហាញមុខដោយផ្ទាល់នៅចំពោះមុខភ្នាក់ងារចុះឈ្មោះបោះឆ្នោត។