មន្រ្តីក្រុមប្រឹក្សាមកពីបក្សប្រឆាំងនៅស្រុកកោះអណ្តែត ខេត្តតាកែវ អះអាងថាសមត្ថកិច្ចស្រុកបានឃាត់ខ្លួនលោកមិនឲ្យធ្វើដំណើរចេញពីភូមិ ដោយលើកមូលហេតុថាលោកមិនបានសុំការអនុញ្ញាតពីអាជ្ញាធរក្នុងការធ្វើដំណើរ។សមាជិកក្រុមប្រឹក្សាស្រុកកោះអណ្តែតបក្សសង្រ្គោះជាតិ លោក អឹម វ៉ោន បានឲ្យវីអូឌីដឹងថា លោកត្រូវបានសមត្ថកិច្ចស្រុកកោះអណ្តែតសហការជាមួយសមត្ថកិច្ចស្រុកទ្រាំង ឃាត់ខ្លួនកាលពីព្រឹកថ្ងៃទី៨ ខែកញ្ញា ឆ្នាំ ២០១៦ យកទៅសាកសួរនិងធ្វើកំណត់ហេតុ ខណៈដែលលោកធ្វើដំណើរតាមម៉ូតូក្នុងគោលបំណងមកលេងបងប្អូននៅភ្នំពេញនិងចូលរួមការប្រជុំសមាជិកបក្សសង្គ្រោះជាតិ។  ប្រភពVOD