នាយករដ្ឋមន្ត្រីកាត់ដីចម្ការកៅស៊ូរបស់រដ្ឋនៅរតនគិរីជូនពលរដ្ឋ ១២៦០ គ្រួសារ
ប្រមុខរដ្ឋាភិបាលកម្ពុជា បានសម្រេចកាត់ដីចម្ការកៅស៊ូរបស់រដ្ឋ ប្រគល់ជូនប្រជាពលរដ្ឋចំនួន ១២៦០ គ្រួសារ នៅក្នុងខេត្តរតនគិរី។ ការសម្រេចរបស់លោកនាយករដ្ឋមន្ត្រី ហ៊ុន សែន ធ្វើឡើងក្នុងអំឡុងពេលដែលសម្តេចធ្វើយុទ្ធនាការចុះមូលដ្ឋាន ហើយថ្ងៃនេះលោកនាយករដ្ឋមន្ត្រី កំពុងស្ថិតនៅខេត្តរតនគិរី។
ដីដែលប្រមុខរដ្ឋាភិបាល កាត់ជូនពលរដ្ឋ ១២៦០ គ្រួសារនោះ នៅភូមិចំនួន៥ គឺភូមិលេខ១ ភូមិលេខ២ ភូមិលេខ៣ ភូមិលេខ៤ និងភូមិលេខ៥ ស្ថិតនៅក្នុងសង្កាត់កាចាញ ស្រុកបានលុង ខេត្តរតនគិរី។ បើតាមទំព័រហ្វេសប៊ុករបស់នាយករដ្ឋមន្ត្រីកម្ពុជា ដីដែលផ្តល់ជូនពលរដ្ឋកាន់កាប់ស្របច្បាប់នោះ កាត់ចេញពីក្របខណ្ឌដីចម្ការកៅស៊ូរបស់រដ្ឋ ហើយប្រគល់ទៅឲ្យប្រជាពលរដ្ឋទៅតាមទំហំដីជាក់ស្តែងដែលពួកគេបានកាន់កាប់រស់នៅជាយូរឆ្នាំមកហើយ៕ប្រភពថ្មីៗ
https://thmeythmey.com/index.php?page=detail&ctype=article&id=44510&lg=kh
