លោក ហ៊ុន សែន ថាតម្លៃស្រូវចុះថោកនៅកម្ពុជាគឺទៅតាមទីផ្សារពិភពលោក
លោកនាយករដ្ឋមន្ត្រី ហ៊ុន សែន អះអាងថា តម្លៃស្រូវនៅកម្ពុជា ចុះថោកបណ្ដាលមកពីទីផ្សារស្រូវអង្ករពិភពលោកធ្លាក់ចុះ ហើយស្នើឲ្យប្រជាកសិករយោគយល់ដល់រដ្ឋាភិបាលក្នុងការដោះស្រាយលើបញ្ហានេះ។ ទន្ទឹមគ្នានេះ សមាជិកសភាតំណាងរាស្ត្រគណបក្សសង្គ្រោះជាតិ ទាមទារឲ្យរដ្ឋាភិបាលត្រូវមានគោលនយោបាយត្រឹមត្រូវលើវិស័យកសិកម្ម ដូចជាការផ្ដល់ដីធ្លី និងការផ្ដល់បច្ចេកទេសបង្កបង្កើនផល និងបង្កើនទីផ្សារសម្រាប់លក់កសិផលកសិកម្ម ដើម្បីលើកស្ទួយដល់ជីវភាពរបស់ប្រជាកសិករ។ប្រភពRFA
