មន្រ្តីអ្នកនាំពាក្យរដ្ឋាភិបាលកម្ពុជាលោក ផៃ ស៊ីផាន បានលើកឡើងដោយសើចចំអកដាក់គណបក្ស សង្រ្គោះជាតិដែល
ប្រកាសពីការគម្រាមកំហែងលើតំណាងរាស្រ្តរបស់ខ្លួន ពិសេសលើលោក កឹម សុខា ប្រធានស្ដីទីគណបក្សសង្រ្គោះជាតិ
តែម្ដង ។លោក  ផៃ ស៊ីផាន បានលើកឡើងថា គណបក្សសង្រ្គោះជាតិកំពុងតែយកលេសនៃការគម្រាមកំហែង ដើម្បីមិនចូលប្រជុំនៅរដ្ឋសភាជាតិជាមួយនឹងសមាជិកតំណាងរាស្រ្តនៃគណបក្សប្រជាជនកម្ពុជា ។ លោកបន្តថា យកខ្លាចការគម្រាមនេះគឺហាក់បីដូចជាកំពុងដើរខុសពីគោលការរបស់ខ្លួនដែលធ្លាប់បាន ប្រកាសប្រាប់អ្នកគាំទ្រថា ទិញមិនលក់ សំឡុតមិនខ្លាច ។កាលពីម្សិលមិញនេះកាសែតក្នុងស្រុកបានចុះផ្សាយពីការផ្ញើសារគម្រាមលើប្រធានស្ដីទីគណបក្សសង្រ្គោះជាតិគឺលោកកឹម សុខា ពីសំណាក់លោក ហ៊ុន សែន ចំនួនពីរ ដែលសារទីមួយគម្រាមថា អាចនឹងមានការបង្ហូរឈាម ប្រសិនណាបើការធ្វើបាតុកម្មនៅប្រទេសអូស្រ្តាលីពីសមាគមខ្មែរនៅទីនោះ ប៉ះពាល់ដល់កូនប្រុសច្បងរបស់លោកដែលធ្វើដំណើរទៅជួបជុំសមាជិកថ្មីរបស់ខ្លួននៅទីនោះ ហើយសារទីពីរគឺព្រមានគណបក្សសង្រ្គោះជាតិកុំឱ្យពាក់ព័ន្ធនឹងបាតុកម្មទាំងនោះ ។ប្រភពVIM