កម្ពុជា-ចិន ប្តេជ្ញាជំរុញទំហំពាណិជ្ជកម្មឡើងដល់ ៥ពាន់លានដុល្លារ នៅឆ្នាំ ២០១៧
កម្ពុជា-ចិននឹងជំរុញទំហំពាណិជ្ជកម្មទេ្វរភាគីកើនដល់ ៥ពាន់លានដុល្លារអាមេរិក នៅឆ្នាំ ២០១៧ ខាងមុខ។ នេះបើតាមលោក អ៊ាង សុផល្លែត ជំនួយការផ្ទាល់លោកនាយករដ្ឋមន្ត្រី ហ៊ុន សែន។លោក អ៊ាង សុផល្លែត បានថ្លែងប្រាប់ក្រុមអ្នកសារព័ត៌មានពីគោលបំណងជំនួបពិភាក្សាការងាររវាងលោក ហ៊ុន សែន និងប្រធានាធិបតីចិន លោក ស៊ី ជិនពីង ជាការពង្រឹងពង្រីក កិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយ។
ជំនួយការផ្ទាល់នាយករដ្ឋមន្ត្រីរូបនេះ បានស្រង់សម្តីប្រធានាធិបតីចិន Xi Jinping ដែលបានប្រាប់សម្តេច ហ៊ុន សែន ពីបំណងរបស់លោកមកបំពេញទស្សនកិច្ច រយៈពេល២ថ្ងៃ នៅកម្ពុជានេះ មានគោលដៅពង្រឹងកិច្ចសហប្រតិបត្តិការលើគ្រប់វិស័យ ដើម្បីអភិវឌ្ឍប្រទេសទាំងពីរ។ប្រភពថ្មីៗ
