មន្រ្តីស៊ើបអង្កេតរបស់សមាគមការពារសិទ្ធិមនុស្សអាដហុកលោក ណៃ វង់ដា ដែលត្រូវបានតុលាការសម្រេចធ្វើការចោទប្រកាន់ឃុំខ្លួនជាបណ្ដោះអាសន្នរហូតមកដល់ថ្ងៃនេះ បានអះអាងថា លោកមិនខ្វល់នឹងការបន្តឃុំខ្លួនបន្តឬក៏ដោះលែងនោះទេ ប៉ុន្តែអ្វីដែលសំខាន់សម្រាប់រូបលោកនៅពេលនេះ គឺពលរដ្ឋទាំងអស់ត្រូវតែអញ្ជើញទៅចុះឈ្មោះបោះឆ្នោត ។លោក ណៃ វង់ដា ស្រែកពីឡានទ្រុងដឹកអ្នកទោសមកជំនុំជម្រះក្ដីនៅសាសាដំបូងរាជធានីភ្នំពេញកាល ពីព្រឹកថ្ងៃទី២៧ តុលា ព្រឹកមិញនេះប្រាប់ក្រុមអ្នកកាសែតទាំងដៃជាប់ខ្នោះថា លោកមិនខ្វល់នោះទេថា តើតុលាការដោះ លែងរូបលោកឬក៏អត់នោះ ប៉ុន្តែពលរដ្ឋត្រូវតែអញ្ជើញទៅចុះឈ្មោះបោះឆ្នោតដើម្បីធ្វើការផ្លាស់ប្ដូរប្រទេសជាតិតាមរយៈការបោះឆ្នោតដោយសន្តិវិធី ។លោក ណៃ វង់ដា ថ្លែង « អើ រឿងលែងមិនលែងមិនសំខាន់ទេ សំខាន់ទាំងអស់គ្នាទៅបោះឆ្នោតទាំង អស់គ្នា ចុះឈ្មោះ
បោះឆ្នោត » ។ប្រភពVIM