កូនភ្លោះជាសកម្មជនបរិស្ថានត្រូវអាជ្ញាធរខេត្តកណ្ដាលឃាត់ខ្លួននៅជាប់ព្រំដែនវៀតណាម
កូនភ្លោះជាសកម្មជនបរិស្ថានត្រូវអាជ្ញាធរខេត្តកណ្ដាលឃាត់ខ្លួន នៅព្រឹកថ្ងៃទី២៨ តុលា នៅជាប់ព្រំដែនកម្ពុជា-វៀតណាម ខណៈពួកគេចង់ធ្វើដំណើរចូលប្រទេសវៀតណាមតាមច្រកក្អមសំណរ ស្រុកលើកដែក ដើម្បីវៀងទៅកាន់វត្តប៉ាក់ណាមនៃស្រុកកោះធំ។លោក ជុំ ហួត ឲ្យអាស៊ីសេរីដឹងតាមទូរស័ព្ទថា លោកនិងប្អូនប្រុសត្រូវបានអាជ្ញាធរពិនិត្យមើលលិខិតឆ្លងដែន ហើយក៏ឃាត់ខ្លួននៅម៉ោង៨ព្រឹក ខណៈលោកជិះម៉ូតូពីរនាក់បងប្អូន ដើម្បីឆ្លងចូលទៅប្រទេសវៀតណាម។លោកបញ្ជាក់ថា អាជ្ញាធរឃាត់តែពីរនាក់បងប្អូនលោកប៉ុណ្ណោះ ដោយឡែកពលរដ្ឋផ្សេងទៀត គេអាចធ្វើដំណើរចូលទៅប្រទេសវៀតណាមបានធម្មតា។ លោកបន្តថា លុះដល់ម៉ោងប្រមាណ៩ព្រឹកនេះ អាជ្ញាធរចង់ដកយកលិខិតដែលអង្គការសហប្រជាជាតិទទួលបន្ទុកជនភៀសខ្លួន(UNHCR) ផ្ដល់ដល់ពួកគេក្នុងនាមជាជនភៀសខ្លួន ដែលមានសិទ្ធិអាចចេញចូលប្រទេសថៃបានគ្រប់ពេលទៀតផង។ប្រភពRFA
