បក្សប្រឆាំងនៅតែដេញដោលរឿងតម្លៃកសិផលធ្លាក់ចុះ ដោយត្រៀមកោះហៅលោក វេង សាខុន
គណៈកម្មការទី ៣ នៃរដ្ឋសភា នឹងដាក់លិខិតកោះអញ្ជើញរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មកឆ្លើយបំភ្លឺជុំវិញការធ្លាក់ចុះតម្លៃកសិផលរបស់កសិករកន្លងមក។ អ្នកនាំពាក្យក្រសួងកសិកម្ម នៅមិនទាន់ហ៊ានអត្ថាប្បាយបែបណាឡើយ ដើម្បីឆ្លើយតបនឹងគម្រោងកោះហៅរបស់គណៈកម្មការនេះ។ បញ្ហាធ្លាក់ចុះតម្លៃកសិកផលរបស់កសិករ នៅតែជាប្រធានបទសំខាន់ ដែលគណបក្សសង្គ្រោះជាតិ ត្រូវជួបដេញដោលជាមួយមន្ត្រីរដ្ឋាភិបាលអំពីដំណោះស្រាយបញ្ហានេះ។ នៅអំឡុងខែវិច្ឆិកានេះ គណៈកម្មការទី ៣ នៃរដ្ឋសភា ដែលមានលោក ប៉ុល ហំម តំណាងរាស្ត្រគណបក្សសង្គ្រោះជាតិ ជាប្រធាន នឹងដាក់លិខិតកោះអញ្ជើញលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មកបំភ្លឺ។ ប្រភពថ្មីៗ
