ព្រឹទ្ធសភាអនុម័តច្បាប់ និងពិធីសារចំនួន៧ កាលពីថ្ងៃព្រហស្បតិ៍
ភ្នំពេញ៖ព្រឹទ្ធសភាបានអនុម័តសេចក្តីព្រាងច្បាប់ និងពិធីសារចំនួន ៧ ជាផ្លូវការ នៅថ្ងៃព្រហស្បតិ៍ ទី៣ ខែវិច្ឆិកា។ កិច្ចប្រជុំអនុម័តនេះ ប្រព្រឹត្តទៅក្រោមវត្តមានរបស់សម្តេច សាយ ឈុំ ប្រធានព្រឹទ្ធសភា និងសមាជិកព្រឹទ្ធសភាចំនួន ៥០ រូបទៀត។តាមសេចក្តីប្រកាសព័ត៌មានអគ្គលេខាធិការដ្ឋានព្រឹទ្ធសភា សេចក្តីព្រាងច្បាប់ កិច្ចព្រមព្រៀងទាំងនោះ រួមមាន ១, សេចក្តីព្រាងច្បាប់ស្តីពី ការគ្រប់គ្រងអ្នកប្រកបវិជ្ជាជីវៈ វិស័យសុខាភិបាល។ ២, ច្បាប់ស្តីពី ការអនុម័តយល់ព្រមលើពិធីសារទី៧ ស្តីពី ប្រព័ន្ធឆ្លងកាត់គយនៃកិច្ចព្រមព្រៀងក្របខ័ណ្ឌអាស៊ានស្តីពី កិច្ចសម្រួលការដឹកជញ្ជូនឆ្លងកាត់ទំនិញ។៣, សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង, ស្តីពី ការបង្កើតអង្គភាពស្រាវជ្រាវម៉ាក្រូសេដ្ឋកិច្ចអាស៊ានបូក៣ ។ ៤, សេចក្តីព្រាងច្បាប់ ស្តីពី ការអនុម័តយល់ព្រមលើពិធីសារ ដើម្បីអនុវត្តកញ្ចប់ទី៦ នៃការប្តេជ្ញាបើកចំហសេវាហិរញ្ញវត្ថុ ក្រោមកិច្ចព្រមព្រៀង ក្របខ័ណ្ឌអាស៊ាន ស្តីពី សេវា។ ៥, កិច្ចព្រមព្រៀង ស្តីពី ការបង្កើត និងការអនុវត្តបញ្ជរតែមួយអាស៊ាន។ ៦, ពិធីសារ ស្តីពី ការបង្កើត និងការអនុវត្តបញ្ជរតែមួយអាស៊ាន និង៧, ពិធីសារ ស្តីពី ក្របខ័ណ្ឌច្បាប់សម្រាប់អនុវត្តបញ្ជរតែមួយអាស៊ាន។ប្រភពថ្មីៗ
