លោក កឹម សុខា មិនប្រកាសគាំទ្របេក្ខជនណាមួយ តែគាំទ្រលទ្ធផលបោះឆ្នោតនៅខាងមុខ
ប្រធានស្តីទីគណបក្សសង្គ្រោះជាតិ បានបញ្ចេញទស្សនៈចំពោះការបោះឆ្នោតជ្រើសរើសប្រធានាធិបតីអាមេរិកនៅថ្ងៃទី ០៨ ខែវិច្ឆិកា ខាងមុខនេះ។ លោក កឹម សុខា មិនបញ្ជាក់ពីនិន្នាការរបស់លោក ឬគណបក្សសង្គ្រោះជាតិថា ពេញចេញបេក្ខជនណាមួយទេ។ទស្សនៈ «ជុំវិញការបោះឆ្នោតប្រធានាធិបតីនៅសហរដ្ឋអាមេរិក»។ នេះជាប្រធានបទដែលឯកឧត្តម កឹម សុខា អត្ថាធិប្បាយនៅលើទំព័រហ្វេសប៊ុកទាំងព្រឹក នៅថ្ងៃសុក្រនេះ។ អ្នកនយោបាយរូបនេះ លើកឡើងថា សម្រាប់បុគ្គលម្នាក់ៗផ្ទាល់ខ្លួន អាចបង្ហាញពីការគាំទ្រ ឬមិនគាំទ្របេក្ខជនប្រធានាធិបតីណាម្នាក់ នៃការបោះឆ្នោតនៅសហរដ្ឋអាមេរិក។ «សម្រាប់ខ្លួនខ្ញុំផ្ទាល់ ខ្ញុំគាំទ្រនូវលទ្ធផលនៃការបោះឆ្នោតនាពេលខាងមុខ ដែលឆ្លុះបញ្ចាំងពីឆន្ទៈរបស់ប្រជាពលរដ្ឋអាមេរិក»។ នេះជាការបញ្ជាក់របស់លោក កឹម សុខា។ប្រភពថ្មីៗ
