មន្ត្រីបក្សប្រឆាំងថាពលរដ្ឋជិត២ម៉ឺននាក់នៅស្រុកព្រែកប្រសព្វមិនទាន់ចុះឈ្មោះបោះឆ្នោត
អ្នកធ្វើការពាក់ព័ន្ធការចុះឈ្មោះបោះឆ្នោតនៅស្រុកព្រែកប្រសព្វ ខេត្តក្រចេះ ឲ្យដឹងថា ពលរដ្ឋរស់នៅស្រុកនេះជិត ២ម៉ឺននាក់នៅមិនទាន់ចុះឈ្មោះនៅឡើយទេ ខណៈការចុះឈ្មោះបោះឆ្នោតក្នុងបញ្ជីថ្មីគិតត្រឹមថ្ងៃទី១៥ វិច្ឆិកា នៅសល់ ១៥ថ្ងៃទៀត។ពួកគេអំពាវនាវឲ្យ គ.ជ.ប អង្គការសង្គមស៊ីវិល និងតំណាងគណបក្សនយោបាយនានា បន្តយុទ្ធនាការឃោសនាពីសារប្រយោជន៍ចុះឈ្មោះបោះឆ្នោតនៅជនបទ ឬតំបន់ដាច់ស្រយាលឲ្យទូលំទូលាយ ខណៈការផ្សព្វផ្សាយរបស់ គ.ជ.ប កន្លងទៅ មិនទាន់គ្រប់ជ្រុងជ្រោយ។អ្នកឃ្លាំមើលការចុះឈ្មោះបោះឆ្នោតមកពីគណបក្សសង្គ្រោះជាតិ នៅខេត្តក្រចេះ ឲ្យដឹងថា ពលរដ្ឋមួយចំនួនធំរស់នៅជនបទ និងតំបន់ដាច់ស្រយាល ប្រឈមអស់សិទ្ធិបោះឆ្នោតប្រសិនបើ គ.ជ.ប និងស្ថាប័នពាក់ព័ន្ធ មិនអាចរកមធ្យោបាយដោះស្រាយបញ្ហានេះឲ្យទាន់ពេលទេ។ប្រភពVOD
