ពលរដ្ឋជិត២០%នៅខេត្តសៀមរាបនិងខេត្តព្រះវិហារនៅតែមិនទាន់ចុះឈ្មោះបោះឆ្នោត
ប្រធានគណៈកម្មការរៀបចំការបោះឆ្នោតខេត្តសៀមរាប ឲ្យដឹងថា រហូតដល់ម៉ោង ៣រសៀលថ្ងៃពុធ ទី៣០ ខែសីហា បើទោះបីជាគណៈកម្មាធិការជាតិរៀបចំការបោះឆ្នោត (គ.ជ.ប) បានបន្ថែមមួយថ្ងៃទៀត ឲ្យប្រជាពលរដ្ឋដែលមិនទាន់បានចុះឈ្មោះបោះឆ្នោតក្នុងបញ្ជីថ្មីមកចុះឈ្មោះក៏ដោយ ក៏ចំនួនអ្នកមកចុះឈ្មោះពេលនេះ គឺបានតែ ៨២% នៃចំនួនអ្នកដែលមានសិទ្ធិចុះឈ្មោះបោះឆ្នោតសរុបប៉ុណ្ណោះ។មន្ត្រីគណៈកម្មការរៀបចំការបោះឆ្នោតខេត្តសៀមរាប យល់ថា ការបាត់ចំនួនប្រជាពលរដ្ឋជាច្រើនដែលមិនមកចុះឈ្មោះបោះឆ្នោត ដោយសារតែមូលហេតុច្រើនយ៉ាង អាចចំណាកស្រុកទៅរកការងារនៅក្រៅប្រទេស និងខ្លះទៀតខ្វះឯកសារបញ្ជាក់អត្តសញ្ញាណរបស់ខ្លួន ជាដើម។ក្រុមចុះឈ្មោះបោះឆ្នោតនៅឃុំលាងដៃ ចម្ងាយប្រមាណជិត ២០គីឡូម៉ែត្រភាគខាងជើងឆៀងខាងលិចពីទីរួមខេត្តសៀមរាប ឲ្យដឹងថា បើទោះបីជា គ.ជ.ប បានបន្ថែមមួយថ្ងៃសម្រាប់ឲ្យចុះឈ្មោះអ្នកបោះឆ្នោតបន្តទៀតក៏ដោយ ក៏នៅការិយាល័យចុះឈ្មោះក្នុងឃុំរបស់គេ មិនសូវមានមនុស្សចេញចូលមកចុះឈ្មោះទេនៅព្រឹកថ្ងៃពុធ ទី៣០ ខែវិច្ឆិកា។ប្រភពRFA
