លោក កឹម សុខា ប្រកាសចូលប្រជុំរដ្ឋសភាវិញ ក្រោយទទួលការលើកលែងទោស
(ភ្នំពេញ) ៖ ប្រធានស្តីទីគណបក្សសង្គ្រោះជាតិ លោក កឹម សុខា ដែលទើបទទួលបានព្រះរាជទានទោសពីព្រះមហាក្សត្រក្រោមសំណើរបស់លោក ហ៊ុន សែន នាយករដ្ឋមន្ត្រីនៃកម្ពុជា បានប្រកាសថានៅសប្តាហ៍ក្រោយនេះ លោកនឹងចូលរួមកិច្ចប្រជុំរដ្ឋសភាប្រសិនបើសភាមានកិច្ចប្រជុំពេញអង្គណាមួយនោះ។លោក កឹម សុខា បានប្រកាសដូច្នេះនៅក្នុងវេទិកា ពង្រឹងសមត្ថភាពចលនាយុវជន-ស្ដ្រីខេត្ត ស្រុកនិងឃុំ/សង្កាត់ខេត្តកំពង់ចាម-ត្បូងឃ្មុំ ជាមួយតំណាងចលនាយុវជន-ស្ត្រី មកពីបណ្តាស្រុក និង ឃុំ-សង្កាត់មកពីខេត្តកំពង់ចាម និងត្បូងឃ្មុំ នៅទីស្នាក់ការកណ្តាល គណបក្សសង្គ្រោះជាតិក្នុងសង្កាត់ចាក់អង្រែលើនាព្រឹកថ្ងៃទី០៤ ខែធ្នូ ឆ្នាំ២០១៦នេះ។ប្រភពរស្មីកម្ពុជា
