បក្សប្រជាជនស្វាគមន៍លោក កឹម សុខា ដែលទទួលតំណែងក្នុងសភាជំនួសលោក សម រង្ស៊ី
គណបក្សប្រជាជនកម្ពុជា ស្វាគមន៍លោក កឹម សុខា ដែលទើបត្រូវបានជ្រើសរើសឱ្យធ្វើជាថ្នាក់ដឹកនាំតំណាងរាស្ត្រគណបក្សសង្គ្រោះជាតិ ក្នុងរដ្ឋសភា ជំនួសលោក សម រង្ស៊ី ដែលកំពុងរស់នៅនិរទេសខ្លួននៅក្រៅប្រទេស។ការទទួលបានមុខតំណែងថ្មីរបស់លោក កឹម សុខា នៅពេលនេះ បន្ទាប់ពីលោកទើបទទួលបានព្រះរាជទានការលើកលែងទោសពីព្រះមហាក្សត្រ កាលពីចុងសប្ដាហ៍មុន។អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍កាលពីយប់ថ្ងៃទី៥ ខែធ្នូ ថា ការផ្លាស់ប្ដូររចនាសម្ព័ន្ធឱ្យលោក កឹម សុខា ធ្វើជាថ្នាក់ដឹកនាំតំណាងរាស្ត្រគណបក្សសង្គ្រោះជាតិ ជំនួសលោក សម រង្ស៊ី គឺជាការសមស្រប និងបង្កលក្ខណៈងាយស្រួលដល់ដំណើរការជួបសន្ទនាគ្នារវាងថ្នាក់ដឹកនាំគណបក្សកាន់អំណាច និងគណបក្សប្រឆាំង។ប្រភព៖RFA
