សាស្រ្តាចារ្យផ្នែកវិទ្យាសាស្រ្តនយោបាយ លោកបណ្ឌិត ចាន់ វិបុល បានលើកឡើងថា ប្រសិនបើមានមានការផ្លាស់ប្ដូរទី
តាំងទីលានប្រជាធិបតេយ្យ រដ្ឋាភិបាលគួរតែដាក់ទីតាំងថ្មីនោះ នៅក្បែរទីស្ដីការគណៈរដ្ឋមន្រ្តី ឬវិមានរដ្ឋសភាជាតិដើម្បី
កុំឲ្យបាត់ព័ត៌មាន ។សាស្ត្រាចារ្យផ្នែកវិទ្យាសាស្រ្តនយោបាយខាងលើបានថ្លែងបែបនេះ តាមរយៈវិទ្យុសំឡេងព្រះសង្ឃឯករាជ្យដោយលោកបានឲ្យដឹងតាមទូរសព្ទ័ថា កន្លងមកលោកនាយករដ្ឋមន្រ្តី ហ៊ុន សែន ធ្លាប់បាននិយាយថា គាត់មិនបានទទួលពយកព័ត៌មានគ្រប់ជ្រុងជ្រោយ ដោយសារតែមន្រ្តីក្រោមៗមិនផ្ដល់ព័ត៌មានឲ្យគាត់ ។ ដូច្នេះ ប្រសិនបើរដ្ឋាភិបាលចង់ធ្វើការដោះដូរទីលានប្រជាធិបតេយ្យ គួរណាស់ត្រូវដាក់ទីតាំងថ្មីនោះនៅក្បែរទីស្ដីការគណៈរដ្ឋមន្រ្តី ឬវិមានរដ្ឋសភាជាតិក៏បាន ដើម្បីឲ្យមន្រ្តីទាំងនោះទទួលបានព័ត៌មានគ្រប់ជ្រុងជ្រោយ នៅពេលមានការទាមទារពីប្រជាពលរដ្ឋ ។

ប្រភព៖VIM