ក្រសួងមហាផ្ទៃក្រើនរំឭកបក្សប្រឆាំងរឿងប្រើប្រាស់កម្លាំងសន្តិសុខផ្ទាល់ខ្លួន
ក្រសួងមហាផ្ទៃ ក្រើនរំឭកគណបក្សសង្គ្រោះជាតិ រឿងប្រើប្រាស់កងកម្លាំងសន្តិសុខផ្ទាល់ខ្លួន ក្រោយពេលពិនិត្យឃើញថា ក្រុមកងកម្លាំងទាំងនេះស្លៀកពាក់ឯកសណ្ឋាន និងមានប្រើប្រាស់វិទ្យុទាក់ទង។ គណបក្សសង្គ្រោះជាតិ បញ្ជាក់ថា ក្រុមកងកម្លាំងសន្តិសុខរបស់ខ្លួន គឺសុទ្ធសឹងតែជាសកម្មជនស្ម័គ្រចិត្តជួយការពារសុវត្ថិភាពជូនថ្នាក់ដឹកនាំ មិនមែនដូចការលើកឡើងរបស់ក្រសួងមហាផ្ទៃ នោះទេ។មន្ត្រីជាន់ខ្ពស់ និងជាអ្នកនាំពាក្យក្រសួងមហាផ្ទៃ ឧត្តមសេនីយ៍ ខៀវ សុភ័គ ថ្លែងប្រាប់អាស៊ីសេរី នៅថ្ងៃទី២១ ធ្នូ ថា ក្រសួងមហាផ្ទៃ នឹងចាត់វិធានការតាមច្បាប់ចំពោះកងកម្លាំងសន្តិសុខរបស់គណបក្សសង្គ្រោះជាតិ បើសមត្ថកិច្ចពិនិត្យឃើញថា ពួកគេប្រើប្រាស់ ឬលាក់ទុកអាវុធខុសច្បាប់។ប្រភព៖RFA
