អ្នកឃ្លាំមើលសង្គមបានលើកឡើងថា លោកមិនជឿជាក់នោះទេថា គណបក្សកាន់អំណាចនឹងព្រមធ្វើការជួបចរចារជាមួយនឹងគណបក្សប្រឆាំងនៅពេលនេះដើម្បីព្រមព្រៀងក្នុងការស្វែងរកការដោះលែងមន្រ្តីអង្គការសិទ្ធិមនុស្ស៤រូប និងមន្រ្តីគជប១រូប ។លោក គឹម សុខ អ្នកឃ្លាំមើលសង្គម បានប្រាប់វិទ្យុសម្លេងព្រះសង្ឃឯករាជ្យនៅថ្ងៃច័ន្ទនេះថា នេះគឺជាឧបាយកលរបស់អ្នកនយោបាយដែលកំពុងកាន់អំណាចធ្វើឡើងដើម្បីលើកមុខមាត់មួយរយៈប៉ុណ្ណោះ ប៉ុន្តែសម្រាប់ការចរចារឱ្យមានការស្វែងរកការដោះលែងតាមការសន្យានៅពេលនេះ គឺលោកមិនទាន់ជឿទាល់តែសោះ ។ ប៉ុន្តែយ៉ាងណាក៏ដោយលោកថា អាចនឹងដោះលែងគ្រាន់តែមិនភ្លាមៗនៅពេលនេះ ព្រោះមិនចំណេញដល់នយោបាយរបស់គេ៖ « ហើយបើនិយាយពីផែនការនៃការដោះលែងវាដូចជានៅឆ្ងាយ ពីព្រោះអីនេះគឺជាឧបាយកលនយោបាយ បើឧបាយកលនយោបាយគេត្រូវពិនិត្យមើលថា តើគេដោះលែងចំណេញឬអត់សម្រាប់គេ » ។ប្រភព៖VIM