សេចក្តីព្រាងបទបញ្ជាសម្រាប់ការបោះឆ្នោតឃុំ-សង្កាត់ រងការរិះគន់
សេចក្តីព្រាងបទបញ្ជានិងនីតិវិធីសម្រាប់ការបោះឆ្នោតឃុំ-សង្កាត់ឆ្នាំ២០១៧ ដែលតាក់តែងឡើងដោយ គ.ជ.ប នោះ ត្រូវរងការតវ៉ាពីសំណាក់គណបក្សនយោបាយធំៗនិងអង្គការឃ្លាំមើលការបោះឆ្នោត។ការតវ៉ារបស់តំណាងគណបក្សនយោបាយធំៗនិងអង្គការឃ្លាំមើលការបោះឆ្នោតនៅពេលនេះ ខណៈដែល គ.ជ.ប បានបើកកិច្ចប្រជុំពិគ្រោះយោបល់លើសេចក្តីព្រាងបទបញ្ជានិងនីតិវិធីសម្រាប់ការបោះឆ្នោតក្រុមប្រឹក្សាឃុំ-សង្កាត់ ឆ្នាំ២០១៧ ដើម្បីទទួលយោបល់និងការស្នើនានារបស់ភាគីពាក់ព័ន្ធនៅថ្ងៃទី៥ដល់ថ្ងៃទី៦ មករានេះមុននឹងអនុម័តជាផ្លូវការ។អ្នកនាំពាក្យគណបក្សប្រជាជនកម្ពុជាលោក សុខ ឥសាន បានថ្លែងប្រាប់អ្នកសារព័ត៌មានក្នុងពិធីនោះថា គណបក្សនេះចង់ឲ្យ គ.ជ.ប បកស្រាយឲ្យបានច្បាស់ពីតួនាទីមេភូមិនិងការចេញមកធ្វើសកម្មភាពនយោបាយរបស់មន្ត្រីអង្គការសង្គមស៊ីវិលរួមទាំងការអនុវត្តច្បាប់ទៅលើអ្នកល្មើសច្បាប់បោះឆ្នោត។ប្រភព៖VOD
