លោក ហ៊ុន សែន រងការចោទថាកំពុងរកវិធីឲ្យមានការបណ្តេញលោក សម រង្ស៊ី ចេញពីបក្ស
លោកនាយករដ្ឋមន្ត្រី ហ៊ុន សែន ត្រូវបានគេលើកឡើងថា លោកកំពុងតែរិះរកគ្រប់វិធីដើម្បីបំបែកថ្នាក់ដឹកនាំគណបក្សសង្គ្រោះជាតិ ដោយនៅពេលនេះលោកកំពុងតែបង្ខំឲ្យលោក កឹម សុខា សរសេរលិខិតមួយ ដោយសន្យាថានឹងបណ្តេញចេញពីគណបក្សសង្គ្រោះជាតិ ចំពោះបុគ្គលណាដែលបានជេរប្រមាថលោក ហ៊ុន សែន ភរិយាលោក និងកូនប្រុសច្បង គឺលោក ហ៊ុន ម៉ាណែត។ នេះបើតាមការចុះផ្សាយរបស់កាសែតភ្នំពេញប៉ុស្តិ៍ ដែលដកស្រង់ខ្លឹមសារលិខិតមួយពីលោក សម រង្ស៊ី។សារនេះបានអះអាងថា កាលពីយប់ថ្ងៃសៅរ៍ លោក ហ៊ុន សែន បានស្នើឲ្យលោក កឹម សុខា ចេញសេចក្តីថ្លែងការណ៍ជាថ្មីទៀតក្នុងនាមគណបក្សសង្គ្រោះជាតិ ប៉ុន្តែមិនឲ្យប្រើឈ្មោះលោក សម រង្ស៊ី ដែលជាប្រធានគណបក្សដែលកំពុងតែនិរទេសខ្លួនឯងនៅក្រៅប្រទេសនោះឡើយ។ប្រភព៖VOD
