ភ្នំពេញ៖អនុប្រធានគណៈកម្មាធិការព្រំដែនកម្ពុជា លោកស្រី កុយ ពិសី ថ្លែងថា ការបោះបង្គោលព្រំដែនរវាងកម្ពុជា និងវៀតណាម បានចំនួន ៨៣% ខណៈការបោះបង្គោលរវាងកម្ពុជា និងឡាវ បានចំនួន ៨៤% ។ លោកស្រី កុយ ពិសី បានថ្លែងប្រាប់មជ្ឈមណ្ឌលព័ត៌មានដើមអម្ពិល នៅថ្ងៃទី១១ ខែមករា ឆ្នាំ២០១៧នេះថា "យើងធ្វើបានច្រើនហើយ ៨៤% ជាមួយឡាវ ចំណែកជាមួយវៀតណាម ៨៣% ដូចដែលយើងបានដឹង" ។ ពាក់ព័ន្ធការបោះបង្គោលព្រំដែនជាមួយវៀតណាមនេះ កាលពីថ្ងៃ៩ មករា វិទ្យុអាស៊ីសេរីបានផ្សាយថា សកម្មជន និងអ្នកតាមដានបញ្ហាព្រំដែន អះអាងថា វៀតណាម កំពុងតែមានប្រៀបយ៉ាងខ្លាំងក្នុងការបោះបង្គោលព្រំដែន ដោយរំលោភចូលយ៉ាងជ្រៅក្នុងទឹកដីខ្មែរ។ ប្រការនេះ ធ្វើឲ្យកសិករជាង១០គ្រួសារនៅភូមិថ្នា និងភូមិធ្នង់ នៃឃុំថ្នាធ្នង់ ស្រុករំដួល ខេត្តស្វាយរៀង បាត់បង់ដីស្រែចម្ការរបស់ពួកគាត់មួយចំនួនទៅខាងវៀតណាម ។ប្រភព៖ដើមអ្ពិល  http://www.dap-news.com/kh/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%80%E1%9F%92%E1%9E%93%E1%9E%BB%E1%9E%84%E1%9E%94%E1%9F%92%E1%9E%9A%E1%9E%91%E1%9F%81%E1%9E%9F/26326.html#sthash.r3xkrsmw.dpuf