កម្ពុជាបានធ្វើការសន្យាជាមួយនឹងនាយករដ្ឋមន្រ្តីវៀតណាមលោក ង្វៀន ស៊ុងហ៊្វុក ថា នឹងធ្វើការធានា និងរៀបចំឯកសារ
ក្នុងការ គាំទ្រសហគមន៍វៀតណាមដែលកំពុងតែរស់នៅកម្ពុជាឱ្យបានប្រសើរឡើង ។ការសន្យារបស់កម្ពុជានេះ ធ្វើឡើងតាមរយៈលោក ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃនៅក្នុងអំឡុង
ពេលរូប លោកធ្វើដំណើរទស្សនៈកិច្ចទៅប្រទេសវៀតណាម និងដើម្បីតបតាមការស្នើសុំរបស់នាយករដ្ឋមន្រ្តីវៀតណាម
លោក ង្វៀន ស៊ុងហ៊្វុក ដែលបានស្នើដល់កម្ពុជា ក្នុងការផ្តល់បរិយាកាសងាយស្រួលដល់អ្នករកស៊ី និងប្រជាជនខ្លួនដែល
បានមករស់នៅនិងរកស៊ីនៅកម្ពុជា ដោយថាដើម្បីរឹតចំណងទំនាក់ទំនងរវាងប្រទេសទាំងពីរឲ្យកាន់តែប្រសើរ។ នេះបើតាមការចុះផ្សាយរបស់សារព័ត៌មានរបស់វៀតណាមមួយដែលមានឈ្មោះថា Tuoi Tre News កាលពីថ្ងៃទី១០ មករា កន្លងទៅនេះ។ប្រភព៖VIM