តុលាការអាមេរិកនឹងបើកសវនាការលើសំណុំរឿងលោក ហ៊ុន សែន និងកូនប្រុសច្បងនៅដើមខែកុម្ភៈ
តុលាការនៅសហរដ្ឋអាមេរិកនឹងបើកសវនាការនៅដើមខែកុម្ភៈ លើសំណុំរឿងលោក មាជ សុវណ្ណារ៉ា ដែលប្តឹងលោកនាយករដ្ឋមន្ត្រីកម្ពុជានិងកូនប្រុស លោក ហ៊ុន ម៉ាណែត ពាក់ព័ន្ធនឹងសំណុំរឿង “ធ្វើភេរវកម្ម” និង “ធ្វើទារុណកម្មតាមរយៈការឃុំខ្លួនស្រេចតែអំពើចិត្ត ក្រៅច្បាប់និងរយៈពេលយូរ”។ នេះបើតាមការអះអាងរបស់ដើមបណ្តឹង។ភរិយារបស់លោក មាជ សុវណ្ណារ៉ា គឺលោកស្រី ចេមី មាជ (Jamie meach) បាននិយាយក្នុងវីដេអូឃ្លីប និងបង្ហោះជាសាធារណៈនៅថ្ងៃព្រហស្បតិ៍នេះថា តុលាការនៅក្នុងក្រុងឡូសអែនជឺឡេស (Los Angeles) រដ្ឋកាលីហ្វ័រញ៉ា (California) នឹងបើកសវនាការនៅម៉ោង៨.៣០នាទីព្រឹក លើសំណុំរឿងលោក មាជ សុវណ្ណារ៉ា ដែលប្តឹងលោកនាយករដ្ឋមន្ត្រីកម្ពុជានិងកូនប្រុស លោក ហ៊ុន ម៉ាណែត។លោកស្រី ចេមី មាជ ប្រាប់ទៅជនរួមជាតិដែលគំាទ្រលោក មាជ សុវណ្ណារ៉ា ឲ្យទៅចូលរួមនិងតាមដានករណីនេះនៅតុលាការសហរដ្ឋអាមេរិកនោះផងដែរ។ប្រភព៖VOD
