គ.ជ.ប នឹងបញ្ជូនឈ្មោះដែលរងការចោទប្រកាន់ទៅក្រសួងមហាផ្ទៃដើម្បីស្រាវជ្រាវ
គណៈកម្មាធិការជាតិរៀបចំការបោះឆ្នោត (គ.ជ.ប) សម្រេចបញ្ជូនឈ្មោះរបស់ពលរដ្ឋនៅក្នុងបញ្ជីបោះឆ្នោតដែលរងការចោទប្រកាន់ថាជាជនជាតិវៀតណាម ឲ្យក្រសួងមហាផ្ទៃ ពិនិត្យ ដើម្បីស្រាវជ្រាវពីការទទួលបានអត្តសញ្ញាណប័ណ្ណរបស់ពួកគេ។ ការអះអាងរបស់ គ.ជ.ប នេះ ទទួលបានការស្វាគមន៍ពីមន្ត្រីគណបក្សប្រឆាំង ដែលប្ដឹងទាមទារឲ្យលុបឈ្មោះ។សមាជិក គ.ជ.ប ឲ្យដឹងថា ដំណើរការដែលឈានទៅស្រាវជ្រាវករណីភាពមិនប្រក្រតី នៃការផ្តល់អត្តសញ្ញាណប័ណ្ណ អាចនឹងត្រូវដោះស្រាយនៅចុងឆ្នាំ២០១៧។សមាជិក គ.ជ.ប លោក មាន សទិ ឲ្យដឹងថា បញ្ជីឈ្មោះដែល គ.ជ.ប នឹងបញ្ជូនទៅក្រសួងមហាផ្ទៃ លុះត្រាតែ គ.ជ.ប រកឃើញថា មានករណីសង្ស័យពី ៧០% ទៅ ៨០% ជាជនបរទេស ឬជាជនជាតិវៀតណាម ទើប គ.ជ.ប បញ្ជូនឈ្មោះនោះទៅក្រសួងមហាផ្ទៃ ស្រាវជ្រាវ។ ក្រៅពីនេះ សមាជិក គ.ជ.ប រូបនេះស្នើឲ្យដើមបណ្ដឹងពិនិត្យឈ្មោះឲ្យបានត្រឹមត្រូវ ជៀសវាងការចោទប្រកាន់ខុសមនុស្ស៖ «»។ប្រភព៖RFA
http://www.rfa.org/khmer/news/politics/NEC-to-send-voter-lists-to-MoI-01192017084845.html
