គ.ជ.ប រក្សាទុកឈ្មោះអ្នកបោះឆ្នោតជាង ៣០០នាក់ ដដែល
ភ្នំពេញ៖ ក្រុមប្រឹក្សាជំនុំជម្រះនៃ គ.ជ.ប បានសម្រេចរក្សាទុកឈ្មោះចំនួន ៣៦៨ នាក់ ក្នុងបញ្ជីបោះឆ្នោតដំបូងដដែល នៅពេលសវនាការសង្ខេបដោះស្រាយលើពាក្យបណ្តឹង/សំណុំរឿង ចំនួន ៣០ ចាប់ពីលេខ ១០៩ ដល់ ១៣៨ នៅសាលប្រជុំគ.ជ.ប នៅថ្ងៃទី២០ ខែមករា ឆ្នាំ២០១៧ ។ នេះបើតាមសេចក្តីប្រកាសព័ត៌មានគ.ជ.ប ចេញផ្សាយនៅថ្ងៃទី២៣ ខែមករានេះ។ពាក្យបណ្តឹងទាំង ៣០ សុទ្ធតែជាបណ្តឹងជំទាស់សុំលុបឈ្មោះអ្នកចុះឈ្មោះបោះឆ្នោតចំនួន សរុប ៣៦៨នាក់ ចេញពីបញ្ជីបោះឆ្នោតដំបូង។ បណ្តឹងទាំងនោះ មកពី រាជធានីភ្នំពេញ ព្រៃវែង កំពង់ធំ កំពង់ស្ពឺ ពោធិ៍សាត់ និងខេត្តស្វាយរៀង ។គ.ជ.ប រក្សាឈ្មោះទាំងនោះក្នុងបញ្ជីដដែល ដោយសារពួកគេបានបំពញេ លក្ខខណ្ឌគ្រប់គ្រាន់ស្របតាមច្បាប់។ គ.ជ.ប បានចេញសេចក្តីប្រកាសឲ្យដឹងនៅថ្ងៃទី២៣ ខែមករានេះ។ប្រភព៖ថ្មីៗ
https://thmeythmey.com/?page=detail&ctype=article&id=48779&lg=kh
