រដ្ឋសភានឹងបើកកិច្ចប្រជុំធ្វើវិសោធនកម្មលុបចោលប្រធានភាគតិចនៅថ្ងៃទី៣១មករា
នៅព្រឹកថ្ងៃទី៣១ មករានេះ រដ្ឋសភាបាន បើកកិច្ចប្រជុំ ដើម្បីធ្វើវិសោធនកម្មលុបចោលប្រធានក្រុមភាគតិចនៅរដ្ឋសភា។ សេចក្តីជូនដំណឹងរបស់អគ្គលេខាធិការដ្ឋានរដ្ឋសភា ឲ្យដឹងថា កិច្ចប្រជុំនេះនឹងមានការចូលរួមពីប្រធានរដ្ឋសភា លោក ហេង សំរិន ដើម្បីពិភាក្សា និងអនុម័តសេចក្តីព្រាងស្នើវិសោធនកម្មជំពូក ១២ថ្មី ប្រការ ៤៨ថ្មី (បី) នៃបទបញ្ជាផ្ទៃក្នុងនៃរដ្ឋសភា ដែលអាចឈានដល់ការលុបចោលតួនាទីប្រធានក្រុមតំណាងរាស្ត្រនៃគណបក្សនយោបាយក្រៅរដ្ឋាភិបាល ឬហៅថាប្រធានក្រុមមតិភាគតិចនៅរដ្ឋសភា មានឋានៈស្មើនាយករដ្ឋមន្ត្រី ដែលបច្ចុប្បន្នជាមុខតំណែងរបស់លោក កឹម សុខា ប្រធានស្តីទីគណបក្សសង្គ្រោះជាតិ។
