អង្គការ ៤៨ សុំឲ្យឧទ្ធរណ៍ទម្លាក់បណ្តឹងអ្នកប្រឆាំងនឹងការបូមខ្សាច់
......................
ភ្នំពេញៈ ខណៈដែលមានការលាតត្រដាងពីរបាយការណ៍នាំខ្សាច់ចេញទៅប្រទេសសិង្ហបុរីដែលធ្វើឲ្យមជ្ឈដ្ឋានជាច្រើនរិះគន់ថាមានការប្រព្រឹត្តអំពើពុករលួយដែលស្ទើរតែស៊ីដាច់ប្រាក់រាប់រយលានដុល្លារទាំងស្រុងនោះអង្គការសង្គមស៊ីវិលចំនួន ៤៨ បានអំពាវនាវឲ្យសាលាឧទ្ធរណ៍ដែលបើកសវនាការនៅថ្ងៃនេះបដិសេធការផ្តន្ទាទោសរបស់សាលាដំបូងខេត្តកោះកុងលើសកម្មជនបរិស្ថានបីរូបដែលតែងតែធ្វើសកម្មភាពយ៉ាងសកម្មប្រឆាំងនឹងការបូមខ្សាច់ ខណៈពួកគេបានរត់ភៀសខ្លួនទៅក្រៅប្រទេសដោយសារតែមានការភ័យខ្លាចការចាប់ដាក់ពន្ធនាគារជាថ្មីទៀត។កាលពីថ្ងៃសៅរ៍អង្គការសង្គមស៊ីវិលចំនួន ៤៨ បានចេញសេចក្តីថ្លែងការណ៍រួមមួយដោយបានលើកឡើងថាសកម្មជនបរិស្ថានទាំងបីរូបមានលោក សាន់ ម៉ាឡា លោក ទ្រី សុវិគា និងលោក ស៊ីម សំណាង គឺជាអ្នកការពារបរិស្ថានដ៏ក្លាហានដែលរួមចំណែកក្នុងការការពារធនធានធម្មជាតិរបស់កម្ពុជា។
....................
ប្រភព៖ភ្នំពេញប៉ុស្ដិ៍
