អាជ្ញាធរអនុវត្តច្បាប់ដោយលំអៀងជុំវិញករណីកោះហៅមន្ត្រីសិទ្ធិមនុស្ស២រូប"
..................
អង្គការសិទ្ធិមនុស្សលីកាដូ (LICADHO) សហគមន៍បឹងកក់ និងអង្គការអន្តរជាតិមួយចំនួនទៀត ហៅការកោះហៅអ្នកការពារសិទ្ធិមនុស្សចំនួន ២រូប ដោយចោទប្រកាន់ថា បានប្រើហិង្សាលើសន្តិសុខសាលាខណ្ឌដូនពេញ គឺជាការអនុវត្តច្បាប់លំអៀងដោយអាជ្ញាធរ។មន្ត្រីនៃអង្គការសិទ្ធិមនុស្សលីកាដូ គឺលោក អំ សំអាត និងអ្នកសហគមន៍បឹងកក់ លោក ចាន់ ពុទ្ធិស័ក្ដ ត្រូវព្រះរាជអាជ្ញារងនៃសាលាដំបូងរាជធានីភ្នំពេញ កោះហៅទៅបំភ្លឺនៅថ្ងៃទី៨ ខែកុម្ភៈ ក្នុងនាមជាជនសង្ស័យក្នុងរឿងហិង្សា ដែលប្ដឹងដោយក្រុមសន្តិសុខសាលាខណ្ឌដូនពេញ។នាយកអង្គការលីកាដូ ចាត់ទុកដីកាកោះរបស់សាលាដំបូងរាជធានីភ្នំពេញ ថាជារឿងហួសចិត្ត ដ្បិតអ្នកការពារសិទ្ធិមនុស្សទាំង ២នាក់ គឺជាអ្នកដែលត្រូវក្រុមសន្តិសុខវាយ បែរជាត្រូវសង្ស័យថា ជាអ្នកប្រើហិង្សាទៅវិញ។
...................
ប្រភព៖RFA
