បក្សកាន់អំណាចនឹងស្នើទៅសភាឲ្យធ្វើវិសោធនកម្មច្បាប់ស្តីពីគណបក្សនយោបាយនៅខែក្រោយ
...................
គណបក្សកាន់អំណាចអះអាងថា តំណាងរាស្ត្រគណបក្សនេះគ្រោងនឹងស្នើទៅសភាឲ្យធ្វើវិសោធនកម្មមាត្រាមួយចំនួនក្នុងច្បាប់ស្ដីពីគណបក្សនយោបាយ នៅខែចុងមីនាឬដើមខែមេសាខាងមុខ តាមការចង់បានរបស់លោកនាយករដ្ឋមន្ត្រី ហ៊ុន សែន។ការស្នើសុំធ្វើវិសោធនកម្មមាត្រាមួយចំនួនក្នុងច្បាប់ស្តីពីគណបក្សនយោបាយនោះទំនងជាលោក ហ៊ុន សែន មិនចង់ឲ្យលោក សម រង្ស៊ី ធ្វើជាប្រធានគណបក្សសង្គ្រោះជាតិ ខណៈប្រធានគណបក្សប្រឆាំងរូបនេះត្រូវបានកាត់ទោសនិងជាប់បណ្តឹងរបស់រដ្ឋាភិបាលមួយចំនួនទៀត។ច្បាប់ស្ដីពីគណបក្សនយោបាយដែលមាន ១១ជំពូក ៤៥មាត្រា បានបង្កើតឡើងកាលពីឆ្នាំ១៩៩៧។ តាមច្បាប់តំណាងរាស្ត្រ មួយភាគបួន ឬជាង៣០រូបនៃតំណាងរាស្ត្រសរុប១២៣រូប អាចស្នើសុំធ្វើវិសោធនកម្មច្បាប់នេះ។
....................
ប្រភព៖VOD
