ឧទ្ធរណ៍ ស្របតាមសាលាដំបូង ឲ្យលោក សម រង្ស៊ី ចាញ់ក្តី រឿងបរិហារកេរ្តិ៍លោកហ៊ុន សែន
.................
ភ្នំពេញ៖ សាលាឧទ្ធរណ៍ បានប្រកាសសាលដីកានៅព្រឹកថ្ងៃព្រហស្បតិ៍នេះ ដោយឲ្យលោក សម រង្ស៊ី ចាញ់ក្តី ក្នុងសំណុំរឿង ដែលពាក់ព័ន្ធនឹងការចោទនាយករដ្ឋមន្ត្រី ហ៊ុន សែន ថាទិញចំនួន like ក្លែងក្លាយ។ នេះជាការអះអាងរបស់លោក សំ សុគង់ មេធាវីរបស់លោកសម រង្ស៊ី។លោកមេធាវី សំ សុគង់ សោកស្តាយ ដែលសាលាឧទ្ធរណ៍ សម្រេចតម្កល់សាលក្រមរបស់សាលាដំបូងរាជធានីភ្នំពេញ ទុកជាបានការ។ លោកមេធាវី បញ្ជាក់ថា ការសម្រេចរបស់សាលាឧទ្ធរណ៍ មិនមានភាពយុត្តិធម៌សម្រាប់លោក សម រង្ស៊ីនោះទេ។ លោក និយាយដូច្នេះថា៖«ក្នុងនាមខ្ញុំជាមេធាវី ខ្ញុំមិនអាចទទួលយកបានទេ។ ខ្ញុំ នឹងរៀបចំបណ្តឹងសាទុក្ខ ប្តឹងទៅតុលាការកំពូលទៀត»។
.................
ប្រភព៖ថ្មីៗ
