លោក រ៉ុង ឈុន សូមឲ្យបក្សជាប់ឆ្នោតចរចាគ្នាជាជាងកែច្បាប់
.........................
ភ្នំពេញៈ សមាជិក ១ រូបក្នុងចំណោម ៩ រូបរបស់ គជប គឺលោក រ៉ុង ឈុន បានអំពាវនាវឲ្យគ្រប់គណបក្សជាប់ឆ្នោតត្រូវជួបចរចាគ្នាដើម្បីដោះស្រាយបញ្ហាដោយសន្តិវិធី និងត្រូវមានក្រមសីលធម៌ជាជាងទៅធ្វើវិសោធនកម្មច្បាប់ស្តីពីគណបក្សនយោបាយដែលអាចនឹងឈានទៅដល់ការបញ្ចប់ជីវិតនយោបាយរបស់លោក សម រង្ស៊ី មេដឹកនាំគណបក្សប្រឆាំងទៅតាមការចង់បានរបស់លោកនាយករដ្ឋមន្ត្រី ហ៊ុន សែន ដែលអាចនឹងធ្វើឲ្យស្ថានការណ៍នយោបាយកាន់តែឡើងកម្តៅ។
ការអំពាវនាវរបស់លោក រ៉ុង ឈុន ដែលជាអតីតប្រធានសមាគមគ្រូបង្រៀនកម្ពុជាឯករាជ្យរូបនេះធ្វើឡើងស្របពេលដែលក្រុមអ្នកច្បាប់របស់បក្សកាន់អំណាចកំពុងតែសិក្សាធ្វើវិសោធនកម្មច្បាប់នេះដើម្បីរឹតបន្តឹងគណបក្សនយោបាយដែលអាចឈានទៅដល់ការរំលាយបក្សសង្គ្រោះជាតិដែលជាគូប្រជែងយ៉ាងស្រួចស្រាល់ជាមួយបក្សប្រជាជន។
............................
ប្រភព៖ភ្នំពេញប៉ុស្ដិ៍
