តុលាការ ឲ្យលោកសម រង្ស៊ី ចូលបំភ្លឺពីបណ្តឹងទីបី របស់លោក ហ៊ុន សែន នៅព្រឹកនេះ
...................
ភ្នំពេញ៖ លោក សម រង្ស៊ី ត្រូវចូលបំភ្លឺនៅសាលាដំបូងរាជធានីភ្នំពេញ នៅព្រឹកថ្ងៃអង្គារនេះ ជុំវិញបណ្តឹងរបស់លោក ហ៊ុន សែន ដែលប្តឹង ទារសំណងជំងឺចិត្តចំនួន ១លានដុល្លារ។ យ៉ាងណា លោក សម រង្ស៊ី មិនអាចមានវត្តមាននៅក្នុងតុលាការនោះទេ ដោយសារតែអតីតមេបក្សប្រឆាំងរូបនេះ កំពុងតែរស់នៅឯបរទេស។តាមដីកាកោះហៅ អតីតប្រធានគណបក្សសង្គ្រោះជាតិ លោក សម រង្ស៊ី ដែលកំពុងរស់នៅឯប្រទេសបារាំង ត្រូវចូលទៅកាន់សាលាដំបូងរាជធានីភ្នំពេញនៅព្រឹកថ្ងៃទី១៤ ខែកុម្ភៈ ឆ្នាំ២០១៧នេះ ដើម្បីបំភ្លឺនៅចំពោះមុខព្រះរាជអាជ្ញា ជុំវិញបណ្តឹងលើកទីបី របស់សម្តេច ហ៊ុន សែន ប្រធានគណបក្សប្រជាជនកម្ពុជា។ លោក ហ៊ុន សែន បានប្តឹង លោក សម រង្ស៊ី ជាលើកទីបី ដោយចោទពីបទ «បរិហារកេរ្តិ៍ជាសាធារណៈ» ហើយទាមទារសំណងជំងឺចិត្ត រហូតដល់ទៅ១លានដុល្លារ។
...................
ប្រភព៖ថ្មីៗ
https://thmeythmey.com/?page=detail&id=49503
